Kangreng/ Vangaitlang, July 06, 2017, Virthli (VR) : Tarik 6 Thlahmur 2017 (Thawlenni) khan Vangaitlânga Kohran thuoitu; Pastor le Kohran Upa hai chu Kangreng EFCI Pastor Quarter-ah inkhâwmna an nei. Hun hmasataka Rev. Lalruotsang-in Pathien thu Nehemiah 2:17-18 na tiemin, Pastor Lienzamang-in țawngțaina a nei zo in, ngaituo țûl le rêl țûlhai rêl le ngaituo a nih.

Hi huna hin Resolution paruk (6) lai zet passed a nia. Lampui harsatna le harsatna dang danga hmang dingin, Khuo tina V/A hai kuomah Job Card thlakhat bêk hni nisien, Lamlien mani ram sûng senga a sietna hmunhai tlawmngaitaka siem dinga ngênna siem nisien ti le, Lampui Survey malamin Pu. L. Enga, Chief of Mainador kuomah lâwmthu hrila fe nisien ti hai hi an rêl..

Chu bâka, Vangai tlâng hmasâwnpei theina beisei lei le inpumkhatna țha lem a um beiseina leiin 'Organisation' indin nisien ti a nia, a hming dingin, 'VANGAI CHURCH ORGANISATION' nisien ti a nih. 2017-2018 sûnga țhuoitu ding thlangna nei nghâl a ni a, hieng a hnuoia hai hi thlang an nih.

1. Chairman :- Rev. Thankhumlien,
2. Vice Chairman :- Rev. Vanlalruot Joute,
3. Secretary :- Rev. Lalruotsang,
4. Asst Secretary :- Pastor. Lalchunglur,
5. Secretary Finance :- Pastor. Lalzuilien,
6. Treasurer :- Pastor. Lienzamang Gangte,

Committee Members :
1. Rev. Vanlalringa Darlong,
2. Pastor. L. Neihmang,
3. Pastor. G. Diamondthang,
4. Pro Pastor. Zawllienkung,
Kohran tina Upa-hai Adviser nîng an tih.

Office țûl le pawimawna a hmang dingin OB haiin Kohran tin Population enin Target hung siem dinga rêl a nih.

Hun tâwpna taka Upa. Bela in țawngțaina a nei a, hun suk tâwp a nih.


Post a Comment

Powered by Blogger.