CCPUR, July 21, 2017, Virthli (ONP): Kindergarten Happy Heart School, Bethel, CCPur in 17 to 21 July, 2017 sunga Fun Learning Week 2017 (Dream Believe Achieve) an School hmun a an huoihawt chu Main Event (FLW Gala) Inrinni, 22nd July, 2017 hin nei ning a tih. Hi FLW sung hin Hall Program 10:00 AM -12:30 AM le Outdoor Extravaganza chu 12:40 PM a intranin hun an hmang hlak a nih. Hi hun sunga mihiptu (Attractions) hai chu Music and Dance, Food stall, Art Gallery, Nail Craft, Red Carpet Photo Shoot, Mask it!, Braids and Plaits, Shoot and Win! le a dang dang an nih.


Kum 2016 khan hieng ang hin an lo thaw tah a. Inchûklai naupang haiin an inchûkna leh khawm in mil em em el niin hun hlimum tak an hmanga, an talent chi tum tum an pholang hai chu sum a in chang tir a umin Inchûklai an naupang chanpui a harsa zuol hai thrangpuina'n an hmang a nih. Tukum khawm hin sum an hmusuok haiin Inchûklai an naupang chanpui harsa zuol hai an thrangpui nawk ding a nih. Hieng a ni lei hin lekhathiem thei em em inchûklai naupang sum harsatna leia an thiltum tlung phaklo ding tam tak an hmatieng suk eng pekin hlawtlingna le lawmna ram ah a la hung thruoilut ding a nih. 22nd July, 2017.10:30 AM hin mipui ta dingin FLW Gala um a ta, hi huna hin Inchûklai naupang harsa zuol i thrangpui nuom a ni chun sum-le-pai a kut rawlin, i va dawr ve thei ding a nih.

Post a Comment

Powered by Blogger.