CCPUR, Virthli (ONP): June 3, 2017 sun dar 11 AM-1:30 PM khan Hmar Inpui (Hmar Supreme House), Gen. Hqrs inrawinain Hmar Women Association (HWA), Gen. Hqrs Office Bearers' 2017-2020 Term Election, MYC Hall/Muolvaiphei Community Hall, CCPur ah nei a nih. Hi huna hin Palai fekhawm haiin Secret Ballot Paper hmangin President Uncotest tilo po an thlangtling a nih. President: JL Sawmi (Uncontest)-Rengkai, Vice President: Chawngtuozing-Rengkai, Gen. Secretary: Rebec Joute-Lamka (Miss CCPur 1985-'86), Asst. Secretary: Hrilrawnkim-Lamka, Finance Secretary: Elizabeth-Saikot, Treasurer: Lalrinpui-Saikot, Secretary Information & Publicity: Sharonparmawi Valpakot & Khawpuibung hai hi an thlangtling a nih.


Hi huna JL Sawmi, President, HWA, Gen. Hqrs in Presidential Address a neina hun a chun term liemtah sunga HWA hmalakna chi tum tum, iemanizat a hril a, chuonghai lai chun India, Myanmar le Singapore thangsa a human trafficking le inzawma an nuhmei chanpui an sansuok dan, an nuhmei chanpui iemani zatin harsatna an tuok, an lo sawmdawl dan le nuhmeihai lai, a bik taka thupui chi hran hran a inhrilhrietna (Awareness/Workshop/Seminar) an huoihawt hlak thu, an hmalak mekna le Manipur a 3 Bills (Anti-Tribal Bills) le inzawma hma an lo lak vena hai a hrillangsa bawk.

Thlangtlinga umhai hi intiemkam tirna le Pathien kuoma tawngtai pekna Pastor Thangroliana, Local Pastor, Independent Church of India (ICI), Muolvaiphei in an nei tir a. Hmar Inpui, Gen. Hqrs in HWA 2017-2020 term sunga ding Office Bearers' election a neipui huna hin Joseph Lalrothang President le Francis Songate, Gen. Secy., haiin Presiding Officer le Recording Secy. niin an inrawia LRS Puruolte, Jt. Secy., (i/c Info. & Media), Laltlanlien le Darsiemlien Ruolngul, HI represent haiin Secrect Ballot Paper sem le Vote tiemna kawng ah an thangpui a nih. HWA hin Manipur a chun Tuithaphai/CCPur khawpui le a sevel ah Unit 16 a nei a nih.

Post a Comment

Powered by Blogger.