Pherzawl, June 24, 2017, Virthli (ONP) : Liemtah June 15, 2017 khan Parbung khuoa Hmar Students’ Association (HSA) Hmarram Joint Headquarters term 2017-19 sunga thuoitu ding thlangna nei a nia, Tv. Simon L Infimate, Vice President, HSA GHQ keihruoina hnuoia Hmarbiela HSA Unit hran hrana Palai fekhawm hai chun hienghai hi an thlangtling a nih; President: Lalchansang Hmar (Parbung Unit) Vice President: Chalrosung Hmar (Damdiei Unit) Gen. Secretary: Simon Barjon (Parbung Unit) Asst. Gen. Secy.: Isaac L Zote (Damdiei Unit) Finance: Rosangkung (Parbung Unit) Treasurer: Ramsiemmawi (Parbung Unit) Thlangthara um hai hi Upa Khaia in Oath Taking-na le Pathien kuoma tawngtaina pekna a nei a, Departmental Secretaries, Auditors le Advisers hai ruokchu elected OB hai i ruot dinga sie a nih. Election bak a hin Churachandpur District Legal Services Authority le Hmar Students’ Association (HSA) General Headquarters hai thangkawpin One Day Legal Awareness hun Pherzawl ah June 13, 2017 le Parbung ah June 15, 2017 hai khan nei a nih. Hi huna hin Nk. Margareth Tryte in dan le inzawma hma lak thei um hai le hmang tangkai thei ding hai hrilhrietna a nei.



Post a Comment

Powered by Blogger.