Hmarkhawlien, June 02, 2017, Virthli (ONP): Vawisun dar 4 vel khan Naupang Esther Lalramfel (kum 8) d/o Sanghmingthang Ralsun, KG inchuklai chu Hebrai veng, Hmarkhawlien lampui-ah Truck (motor ke 10 nei chi) in a bawhlum. Naupang Esther Lalramfel hi a hmun ah a boral nghal niin thu dawng a nih. A bawna hmun lai hin Police duty khawm an um zing niin an hrila, Police hai chun a bawtu motor chu an hnawtzuia chu an man hman ta naw thu an hril a nih.

Hmarkhawlien mipui an pungkhawm meka, tuhin Police hai le khawtlang thuoitu hai an inbiek meka, mipui lungsenin Police motor pakhat suksiet ani tah thu dawng a nih. Mipuiin a bawtu motor le a baw hunlaia Police Constable duty hai 2 an ngieta, a ruong khawm lak ala ni naw nih.

A unaunu hril dan chun dawra fe an nia ama hi an hnung met a hungin, chuonglai chun truck pahni hungin a hmasa lemin a rawt a, chu zova a hnunga truck pakhat chun a hung rawt sa nawk nghal a nih tiin a hril.


Post a Comment

Powered by Blogger.