CCPUR, Virthli (ONP): May 8, 2017 zan dar 6:00 PM khan Hmar Martyrs' Trophy Organising Board (HMARTOB) le Sinlung Badminton Association (SBA) inkawpa huoihawt The  5th Hmar Martyrs' Trophy Badminton Tournament 2017, May 8-13, 2017 sunga inruolsiekna um ding chu LJ Memorial Hall, JJ PLaza, Rengkai Road, CCPur ah hawngna hunser nei a nih. Hi hunser hi HMARTOB, Hmar Inpui, GHQ; HAA, HSA, HYA le a dang dang thuoitu haiin an uop a. Pu Lalvullien Hmar, Chairman, HMARTOB in thuhrilna hun neiin hi tournament hlawtling taka nei dingin a ditsakna insangtak an hlan a, hi hunser hi Mr. Immanuel Lalhrietzing Pulamte, Secy., SBA in a kei thuoi a, Introduction of Dignitaries a nei zoin Upa Lalchelzing Joute, Treasurer in Opening Prayer a neia; Mr. Lalremruot Parate President, SBA in Brief History of HMTB Tournament hrilna a nei a, Rev. Joseph R. Joute in Dedication & Closing Prayer a nei zoin hi tournament hawngnain Double Exhibition Match Manipur Govt. Servant le Hmar Inpui, GHQ in an nei a. Govt. Servant ah Mr. Lalthanzam Infimate MCS le Mr. Lalringum Pulamte MPS an inkhel a, Hmar Inpui GHQ tieng ah Mr. David L. Lungtau le Mr. Robert L. Hmar haiin an inkhel ve thung.  


Hi huna hin minute 1 sung totawkin Hmar Martyrs' hai le SBA member fam lo chang tah hai sunna hun nei a ni a. Hi tournament thupui chu "You are not to be forgotten" ti a nih. Hi tournament a hin mi 87 thangin, Open pasal ah Single 26 le Double 26 in inruolsiekna nei an ta, Under-17  ah pasal 9 in Single ah inruolsiekna nei bawk an tih. SBA hin kum 2013 ainthawk khan hi tournament hi 2015 chen an huoihawt a, anni hin thalema an hriet leiin HMARTOB hnuoiah 2016 ainthawk khan an hung huoihawt ta pei a nih.

RESULTS

**Junior (Under 16):
1. Dennis R Joute (Bye)
2. Paumuansang defeated Albert 2-0.
3. Lianminlal defeated Liankhansang 2-0.
4. Nandaraj defeated Robert Joute 2-0.

**Double Open:
1. Thangboi & Partner defeated C Lalrinzuala & Partner
2. Joseph R Joute & Partner defeated Heleam & Partner 2-0.
3. Suanzalian & Partner defeated Chhuanawma & Partner 2-0.

**Open Single:
1. Lalramruot Parate defeated Heleam 2-0.
2. Samuel Shakum defeated Dr. Bellamy Kom 2-0.
3. Thangboi defeated David Ramnei 2-0.
4. James Lienhmingthang defeated Lalkhogin 2-0.
5. Nandaraj Singh defeated Darthanglien 2-0.

Post a Comment

Powered by Blogger.