Sakawrdai, May 16, 2017, Virthli (ONP): Martyrs' Day Vawi 28 na chu Sakawrdai Community Hall-ah Sakawrdai VC inrawina hnuoia hmang a nih. Program hi zing dar 10:00 a tan dinga ruohmangna siem a ni lai zingin Community Hall bul elah mithi an um thut leiin program a khailak met a. Amiruokchu, khawtlang thuoitu hai le mithi sungkuo hai inrawnna nei a ni hnungin program tluong taka fepui a nih. Mipui fekhawm an tam hle.
Hnam pasaltha famta hai puola program siema um hi Pu R. Lalfakzuala VCP Sakawrdai in a keithuoi. Rev. Lallienthuom, RPC chun Pathien kuomah inkawltirna a nei a, Martyr hai parthi inhlanna nei zui nghal a nih.
Pi Lalhmingkim in run thlak takin "Martyrs' Day Hla" in mipui an awi a, Rev. K. Pahlir ICI P.S silent Prayer a keithuoi a, minute khat sung mipuiin Martyr hai sunna nei a nih.
Pu Thangliensung HPC Gen. Hqrs President chun thuhrilna neiin Martyrs' Day hung pieng san le tuta Mizoram le HPC(D) inbiekna fe mek chungchang a hril bakah, inthuruol ei pawimaw zie thu a hrilsa bawk. Nk. Margaret Lalruotsung in "Mihrang Val Ruol" ti hla hmangin thiem takin mipui an awi hnungin Pu Parthanglien VC Treasurer in thuhrilna a nei. Martyrs' Family tienga inthawk thuhrilna ngaithlak a ni hnungin Pi Lalhmingkim in "Mihrang Val An La Kim Nawh" ti hla hmangin thiem takin mipui ah chona pe in hla a sak. Pu Lalneithang HPC Block President le Joint YMA, Sakawrdai President haiin thuhrilna an nei zo hnungin Pu Lalhmasawn Kohran Joint Committee vice Chairman in Pathien kuom lawmthu hrilna neiin mipui an tin.
Hnam pasaltha famta hai puola program siema um hi Pu R. Lalfakzuala VCP Sakawrdai in a keithuoi. Rev. Lallienthuom, RPC chun Pathien kuomah inkawltirna a nei a, Martyr hai parthi inhlanna nei zui nghal a nih.
Pi Lalhmingkim in run thlak takin "Martyrs' Day Hla" in mipui an awi a, Rev. K. Pahlir ICI P.S silent Prayer a keithuoi a, minute khat sung mipuiin Martyr hai sunna nei a nih.
Pu Thangliensung HPC Gen. Hqrs President chun thuhrilna neiin Martyrs' Day hung pieng san le tuta Mizoram le HPC(D) inbiekna fe mek chungchang a hril bakah, inthuruol ei pawimaw zie thu a hrilsa bawk. Nk. Margaret Lalruotsung in "Mihrang Val Ruol" ti hla hmangin thiem takin mipui an awi hnungin Pu Parthanglien VC Treasurer in thuhrilna a nei. Martyrs' Family tienga inthawk thuhrilna ngaithlak a ni hnungin Pi Lalhmingkim in "Mihrang Val An La Kim Nawh" ti hla hmangin thiem takin mipui ah chona pe in hla a sak. Pu Lalneithang HPC Block President le Joint YMA, Sakawrdai President haiin thuhrilna an nei zo hnungin Pu Lalhmasawn Kohran Joint Committee vice Chairman in Pathien kuom lawmthu hrilna neiin mipui an tin.
