Sakawrdai, May 23, 2017, Virthli (ONP): Vawisun tarik 23 May, 2017 khan Hmar Students' Association (HSA), Sinlung Hills Jt. Hqrs. huoihawtnain Tuisualral Area sunga HSLC le HSSLC First Division china pass hai chawimawina le Career Guidance Programme chu Sakawrdai, Sinlung Hills, Mizoram ah hmang a nih. Hi huna hin Mizoram Govt. Deputy Chief Whip le bieltu MLA ni bawk Pu RL Pianmawia chu Khuollien niin a hmang pui.

Inchuklaihai lawmpuina le infuinathu hrilin Pu RL. Pianmawia chun HSA in hieng ang programme a buotsai thei chu lawmum a ti thu a hrila, inchuklai fekhawmhai nasa nawk zuola thang la sau sau dingin an fui.

Inchuklaihai an pawimaw zie thu hrillin Pu RL Pianmawia chun zinga ram le hnam thuoitu la ni el dinghai chu sin zawngtu ni lova, sin in a zawg lem mithiem tak tak ni thei dinga thangla dingin inchuklaihai chu an cha bawk a nih. Bieltu MLA hin result tha nei thei dinga thei tawpa thanglatu Zirtirtuhai kuomah lawmthu a hril bawk a nih.

Hi huna hin inchuklai exam-a thawtha zuol mi 24 hai kuomah lawmpuina citation inhlan a nia, Zohmun Govt. High School, Zohmun, Govt. Higher Secondary School, Tuisualral High School, Vaitin Govt. High School le Tuisualral Higher anthawkin inchuklai, nu le pa thahnemtak an thang a nih.

Pu Josph Neingaite, Teacher, Govt. Tuisualral Hihg School (Rtd) le Pu J. Lalhualkunga,Zohmun hai chu resource person a hmang an ni bawk a nih.

Post a Comment

Powered by Blogger.