Hmarkhawlien, May 31, 2017, Virthli (ONP): A vawikhatnaa dingin Hmarkhawlien Joint Churches chun Hmarkhawlien khawsunga kohran tin huomin Joint Fellowship, Presbyterian Local Church Biekin-ah May 30 khan program hmang a nih. Program chimtu mipuihaia inthawka chanchin hriet danin Joint Fellowship hi a hlawtling hle nia hriet a nih.

Joint Fellowship Program hi zan dar 6 ah tan niin Pu Lalthavel Changsan in inkhawm a thuoi a. Hun hawngna tawngtai Pastor Ramsiemsang in a nei zo hnungin Program tan nghal a ni a. Hmarkhawlien Joint Churches Thalai Pawl Secretary Tv. Lalrawngbawl in Introduction hun a hmang. Zalorthang Zate, Secretary, Hmarkhawlien Choir in Choir hung pieng dan le tlangpui hrilin thuoituhai inhmelhriettirna a nei a. Thawlawm Upa R.S. Vunga in inhlanin Hmarkhawlien Joint Churches Vice-Chairman Upa Lalzarlien anthawk thuhriltawi ngaithlak a ni a. Hmarkhawlien Choir ta dingin sumfai Rs. 5000/- inhlanna a nei bawk a nih.
   

Hmarkhawlien Village Council Chairman Pu R Hnethanga thuhriltawi nei dinga hun pek nawk a ni a. Pu R Hnethanga chun Hmarkhawlien Joint Churches Thalai Pawl hmalakna le inzawma Khawsunga pi le pu tlawmngaina hung vul nawk dinga a beisei thu le HJCTP chu inthang duong tak el a ni thu le a hmalakna tawp el lova fepei dinga a ditsakna thu a hril a nih.
 
Hi program hmangna ding le inzawma Hmarkhawlien Choir in zan iemanichena inthawka Hla inchukna a lo nei ta chu hi zan hin mipui hmu dingin Pathien Chawimawina hla ‘Lal Nau Ka Lo Nih’ ti hla an sak a. Hmarkhawlien Choir indin a nia inthawka mipui hmaa an vawikhat sakna a ni leiin ngaihlut a hlaw hle nia hriet a nih.
 
Rev. Laldinglien, Presbytery Officer, EAC anthawk ‘Thiltha Thaw’ ti  thupuia hmangin Pathien thu ngaithlak a ni a. Thuhrilna hun hmang zo a ni hnung hin HJCTP Vice-Chairman Pu Abraham L Keivom in Lawmthu hrilna hun a hmang nawk a. Speaker Rev. Laldinglien a kuoma Memento inhlanna a nei sa ngal bawk a nih.

Singing Festival
Worship Service Program hmang zo a ni hnung hin chawllailawk (break) nei a ni a. Biek-in neitu PLC Thalai Pawl anthawk refreshment semna an nei a. Singing Festival tan nawk nghal a nih.

Tv. Zalorthang Zate le Nk. Diamond Mary John haiin hnesaw takin singing festival hung thuoiin Hmarkhawlien Choir anthawk Pathien hla ngaithlak nawk nghal a ni a. Tv. Isak Kungate, WMYF, Nk. Alice Thanglienmawi, Dinthar PYF, Hmarkhawlien  ICI KTP, EFCI KTP, Tv. VL Dawngliana, Nk. Ngamsangmawi, Beulah Ramdinthar, Tv. Emmanuel Pakhuog, Tv. Lallukhum Neitham, Nk. Lily Lalparmawi, Nk. Jenny Hrildikkim, Nk. Lalrinpuii, Nk. Lalhmunrem le Pastor Zahinglo haiin Pathien hlasakna hun an hmang a. Pu Lalthomlien Hmar; Chairman, BVHTDC anthawk Short Speech ngaithlak nawk a ni bawk. Dinthar PYF anthawk Skit inentirna nei a ni bawk a. SAY, Hmarkhawlien anthawk ‘Timbrel Display’ mawi taka inentirna nei a ni bawk a. Mipui lawm a hlaw hle. Hun kharna hi Pu VN Jacob; EC Member, HJCTP a nei a nih.

HJCTP in a buotsai Worship Service le Singing Festival hi khawsung mipuihaia inthawk thaw rawp dinga rawtna a um a. Hieng ang program hi thla nawk buotsai nisien tia sum intiem khawm an um nuol a, Amiruokchu HJCTP Secretary Tv. Lalrawngbawl Faihriem inei palai hai a hrilna chun HJCTP in Resolution a lo lak dan dungzui chun Half-Yearly Worship Service  le Annual-a ding chau a na. “Kumtawp-a hmang nawk ngei ding ti bak chu hril thei a la ni hri nawh,” tiin a hril.






Post a Comment

Powered by Blogger.