Responsive Ad Slot

Christina Shakum Manipur Idol Final dinga inbuotsai dingin Imphal a pan ding

Thursday, May 25, 2017

/ Published by VIRTHLI
CCPUR, Virthli (ONP): May 27 , 2017 (Inrinni) 4 PM hin MFDC Konung Mamang Imphal hmun ah Manipur Idol Final um ding le inzawmin Nk. Christina Shakum chun May 25 (zinga) hin Finalist hai umkhawmna dinga riruong Imphal a Nightingale Hotel panin lo liem tang a tih. A hlasak ding chu pahni, "Who's Loving You (1960) le Redneck Woman" ti hla a nih.

Voting System chu Audience Vote- Ticket pakhata Cheng 300/- a ni a, vote hin 50% phur bawk a tih. Christina Shakum aiawa tawngsuoktuin a hril dan chun ei lo fe theinaw khawma, ei ticket man ding hi Christina kuomah ei pek chun ei aia hall lut ding zawng ning a ta, chun nasatakin Christina a țhangpui ding a nih, tiin a hril. Christina hin vote a hmu țha phawt chun Manipur Idol title la ngei thei ngirhmuna um ang a nih. Ticket man ding thawlawm nuomhai chun 8415981203 a inhriettir thei a nih. Ticket man ding hi HYA, Khawmawi Branch le a sunghaiin an thei ang angin an invakpui mek.

Don't Miss
© all rights reserved
made with by Simon L Infimate