Shillong, 30 April, 2017, Virthli (ONP): XXIV North-Eastern Hill University (NEHU) Convocation chu tarik 28-04-17 khan NEHU Convocation Hall, NEHU Campus, Shillong hmunah nei a nih. Dr. Varun Kumar Saraswat, Member, NITI Aayog, Govt. of India chu Khuollien a hmang niin Student 8989 hai kuomah Degree dang dang inhlan a nih. Hieng hai lai hin Hmar Students' Association (HSA), Jhq., Shillong member iemanizat hai bulah inhlan ve ani bakah Doctorate Degree Nk. Teresa L Khawzawl kuoma inhlan a nih. 


Ahnuoia hi Dr. Teresa L Khawzawl a Doctorate Degree hmu thu le inzawma post hlui.

Shillong/ Guwahati, March 12, 2017, Virthli (ONP): Nk. Teresa L Khawzawl d/o Pu T Khupa Hmar, Mahur Garden, Dima Hasao, Assam chu North Eastern Hill University (NEHU), Shillong hnuoia Degree of Doctor of Philosophy (Ph. D) chu zirtawpni (March 10, 2017) khan a lo hmu tah.

A Doctoral Thesis hi “Women’s Role in Decision Making at Household Level – A Study of Hmars in Dima Hasao District, Assam” ti ani a, Prof. Lucy Zehol, Department of Anthropology, NEHU a enkaina hnuoia zo a nih.

Dr. Nk. Teresa L Khawzawl hi tuhin Cotton College State University ah Assistant Professor, Department of Anthropology, Guwahati a sin thaw mek a nih.

Dr. Nk. Teresa L Khawzawl hi nunghak feltak le bau zang tak el ani a, HSA NEHU Unit a khawm Vice-President sin lo chel tah le North Eastern Hill University Student Union (NEHUSU) a hai khawm hotu sin lo chel tah hlak ani bawk a nih.

@http://www.virthli.in/2017/03/hmar-nunghak-doctorate-degree-hmu-thar.html

Post a Comment

Powered by Blogger.