The 1st Muolvaiphei 5 Men Soccer Tournament

Muolvaiphei, April 1,2017, Virthli (ONP):  Vawisun April 1,2017 (Inrinni) 4:00Pm khan Famtah (L) Pu Ralkapthuom hrietzingna dinga Muolvaiphei khawsung huopa Kapthuom Memorial Team (KMT) hai huoihawt The 1st Muolvaiphei 5 men soccer tournament chu vawisun khan closing ceremony Muolvaiphei Playground ah phusui takin hmang a nih. Hi hunser hi Pu. S Thangkhosei Guite (Chief of Tonjang Village), Pu. Lalbieknung, Pu Laldinlien hai chu Chief guest, Guest of Honour le Functional President  niin an uop a. Thu tha tak tak hrilna hun neiin KMT hai thilpek inhlanna an nei tawl. Hi huna hin Pu K. Ramlawmsanga ,Manager,KMT in khuollien hai chawimawina thilpek inhlanna a nei a, Tv Vanramropui a’nthawk Pu (L) Ralkapthuom a sung hai ai awiin mipui fekhawm hai kuomah lawmthu hrilna hun a hmang a. Hi hunser hmanga ani huna hin Pu Ralkapthuom hrietzingna’n totawka tawngtaina minute khat nei a ni a. Muolvaiphei VA,HSA , HWA, MYC le Ruolcham Club Muolvaiphei hai khawma uop ve in thuhrilna hun an hmang tawl a. Anni bak a hin ama ngainatu mipui thahnem tawk takel hai khawma an uop.

Hi tournament a hin team 13 lai an thang a, Max Computer Works Muolvaiphei in iengkim Field decoration le a tulna na a hai a sponsor a ni a.Hi tournament hi League system a inkhel ania, final match chu vawisun khan THFC Hunters le Takchapa FC haiin an inkhel a, TBFC hai chun Takchapa FC hai chu 3-0 a hnein hrattak nina changin Kapthuom Memerial Trophy chu an lo dawm ta anih. Hi  5 men soccer tournament hi Muolvaiphei khawsunga a vawikhat na a nia,mipui ngaiven a hlaw hle a, a entu mipui khawm an thahnem thei hle .