Responsive Ad Slot

Pathien Thu Am Mani Dittlangna

Tuesday, April 11, 2017

/ Published by Simon L Infimate
~ Tv. Ngurrivung

“Ka tadinga á¹­hanaw ka Lalpan rel naw ni….Iengkim ka tuokhai hi Ama hrietpui ka ni”.
– Rev Lalnghaksang.

A insunga le Pathien rama rawngbawlna leia harsat-mangangna a tuok chang khawmin, “Ka tadinga á¹­hanaw ka Lalpan rel naw ni, ka ram inhnieng naw ni, ka nun buoi ngai naw ni, Iengkim ka tuokhai hi Ama hrietpui ka ni” tiin hadam deuvin Rev Lalnghaksang chun hla’n an zawt tla dap dap thei chu tie!

Kei ve hi! Ka beisei, ‘In tinah vote khat bek’ ti a, Tipaimukh Constituency a intin luta Pathien hminga mipui lai vote zawr lo ding le kaisan fiel meuh in vote ka hni kha, mipui mi dawng sawng dan ang huin, beisei hmu phak lova ka um kha Pathien kuomah nuorthusim inzawt ka nuom vang el chu tie! Zau nau pai leia inrai perpuor hai khawma chantawka Pathien remruot tia hadam deu a an um thei chun, keikhawm ka vote hmu tlawm hi ka tadinga á¹­ha, Pathien remruot a ni el naw ding maw? Kawngkhat ngaituo chun, Tirko Pawla’n “Lawm rawp ro” ati hi theinghilin, Irom Sharmilla anga politics tawp san nuom el dinga mi á¹­henkhatin an mi ngai hi thil ni awm reng a nih.

Amiruokchu, ka tadinga á¹­hanaw Lalpa’n rel naw nih. Ka thiltuok, ka vote hmu tlawmna san hi chatuon rorelna hmaa puong lang ding khawm nilang inzakna chite khawm ka nei nawh.

“Vote khat chau I hnia, I hni tlawm taluo, kan sungkuo’n kan vote ding che a nih”, “Pathien thu le inmila vote mi hnitu chu nang chau hi I la nih, vote ngei ngei ka ti che”, “MLA candidate kan insung a hung lut hmasatak I nih, vote ngei ngei kan ti che”, “Pathien hminga intina kaisan fiel anga vote khat bek I hung hni chu pakhat bek chun lo vote kan ti che”, “Keini nu-le-pa chun kan vote thei ta naw che, kan nauhai, á¹­halaihaiin vote an ti che”, “Ni ngei nawnim vote kan ti che”, tihai hi mipui mi dawn dan tlangpui chu ani a. Khawtin ah in 4, in 5 vel bakin vote an mipek theinaw ding thu an hril nawh.

Amiruokchu, elekson zo a vote an hang tiem khan Polling Station 38 ah Polling Station 10- haia chun vote khat khawm ka hmu naw chu tie! Khaw pakhatah Kohran Upa pahni tlawmngaia Polling Agent ding a kan fielna, agent form leh ka maksanna a khawm vote kan hmu nawh. Vote kan hmu nawna san ni dinga ka ring chu agent-a an iná¹­hungna ding pawisa kan pek nawa, agent ah an iná¹­hung naw lei ani el thei. Mi hi an ngirhmun hrechieng si lovin hang inthiemnaw ringawt khawm chu andik chuong nawh. Nuhmei pakhat khawm a uire lai tak an man khan Lal Isu ngei khawmin thiemnaw an chang tir chuong naw kha.

Pi Thangá¹­hatling Sinate khom khuo pakhata hin mi pakhat hin a lo ngaina khawpel a, a thlalak banga an tar hai dam kha ngaina takin a lo fawpa; chun a thlalak khawm a lukham hnuoiah siein ngaina deuvin a lo khamde hlak a. Pi Thangá¹­hatling-in chu khuo chu a tlung chun ‘nitin a kros putin zui ka tih’ ti ang el in an khuo a chun a fenana ah phur deuvin a lo zuia. Elekson zo vote an hang tiem meuh khan chu, kha khuoah khan Pi Thangá¹­hatling chu keia ang thovin vote khat khawm a hmu nawh!

Ei ram, Krista Chachiná¹­ha’n kum 100 nek a tam a chenchilna ram a hin ei intlang dan hi chu Chanchiná¹­ha le chun an mil naw hle’n an lang a nih. MLA intlang a hung hnai a, Kristmas thiltlawnpek (Christmas Gift) ei dawng rawn tawl hle, Biekin á¹­henkhat chun Rs 5,000 dam in an dawnga, chun mimal á¹­henkhat chun Rs 500 dam, Rs 1000 dam, Rs 2000 dam an dawng tawl a nih.

Kum 2016 a Krismas thiltlawnpek ei dawngnahai a inthawk khan 2017 ah Christmas thiltlawnpek ei dawng nawk chie ding am leh? Christmas thiltlawnpek ei pekhai le ei dawng zozai hai lei khan ei tadinga hung pieng Krista hin a lawm chie ding am? Indiktak a hril ding chun kumtin tina ei dawng khawm nilo MLA election tawm a ni lei chauva ‘Krismas Thiltlawnpek’ ei dawnghai hi THAMNA PAWISA, JUDA ISAKARIOT-IN ISU KRISTA AN MANTIRNA PAWISA ANG CHAU KHA A NI EL NAW DING MAW?

Hmarram Kohran Inzawmkhawm á¹­huoituhaiin theitawp suoin Tipaimukh biel a inthlangna fel le thienghlim a um theina dingin hma an laka chu a sungril taka vote zawr le vote inchawk chu apangngai tho niin anlang. Agent pakhat hril ka hriet dan lem chun vote zawr lo ding tia khawlai dunga kheka á¹­hang, Kohran á¹­huoitu á¹­henkhat khawm pawisa ei hang pek chu ‘to á¹­awkin an lak zawt el’ a ti chu tie!

“Ar that dan chikhat chau a um nawh” an ti ang deuvin vote inchawk dan hi chikhat chau a um nawh. Vote inchawk dan á¹­henkhathai chu:- Christmas Gift, damnaw kanna, á¹­hangpuina, chibaibukna le adang dang. Kohran á¹­henkhat hlak chun hotel ei lo siema nikhat thilthu chauvin a sing tel tel ei lo lamsuok nawk hlak bawk, kohranin sum lamna tak a ei lo hmang khawm hi thamna pawisa a ni pal el dim maw! Asanchu, agent á¹­henkhatin kohran mipuihai ditsakna hlaw nuom leiin vawikhat bufakna ah a sang tel tel an hang pek a. Kohranin arawng ei bawl tak Lalpa hin a ram tadinga ei pawisa sum laklut hai hi iengtin am a ngai ding? rim inhnik am, tirdakumah ami ngai pek ding. Kei ngei khawm Rs 10 dam, Rs 20 dam, Rs 50 dam, Rs 100 dam, Rs 500 dam, Rs 2000 dam ka dawng hai hi lungril inhawng taka an mi pek khawm nisien a thienghlim bik chie ding am? Asanchu, hienga tlawmngaia pawisa suma mi hung á¹­hangpuitu á¹­henkhathai hi midang election agent dam an ni tawl si!

“Aw ka lalram, ka lalram ava mak ngei a silfen rawnghai chu” ti ang duevin Thamna Pawisa Rawnghai khawm hi ringtuhai tading khawmin hrietthiem an tak chu a ni hi!

Khuo á¹­henkhat a chun HYA khawmin an nina a theinghil á¹­ep ti inla a suol di’m? Amiruokchu hienglai zing hin Parvachawm le khuo iemani zata HYA chu inpak an um hle’n an lang, asanchu HYA hminga Public Meeting an huoihawt chun HYA deuvin an thawa, mike haw man, á¹­hungna rem man, meeting conduct man ti iengkhawm phut an nei ve ngai nawh, HYA deuvin an thaw tawp el anih.

Khuo á¹­henkhat a chun HYA’n public meeting a ko pek chun á¹­hungna rem man, mike haw man, conduct thaw man ti vel ah Rs 2,000 dam, Rs. 3,000 dam an phut hlak chu tie! Kohran á¹­henkhat khawm mike (á¹­awng inringna) haw man awmlo baksak in a rate an siem hlak bawk a! Election ni a thingpui inlum khawm khuo á¹­henkhat a chun ei thaw tanaw a, a var zang hle, mi á¹­henkhatin ‘vote tlaksung chau chu thingpui dawn ngai lova’ an lo ti hi alo indik khawpel, amiruokchu khuo á¹­henkhat a chun Rs. 2,000 dam, Rs 5,000 dam candidate tinhai, annawleh an agent-hai a inthawkin an dawla HYA hlaw neiin thingpui an in lumtir chu tie. Ei ringtu kalchawi nun hi khawtlang le kohranah chanchiná¹­ha le inmawiin, mihai el vartu ni inla nuom a um tak zet.

“Kristien zaah za” in tina rama hin Pathien ditnawzawng suol a in thawka insiekieng thei ding le Lalpa ditzawng thilá¹­ha hrea zawma, ditthlangna indik neithei dingin Lalpa’n Hmarnauhai a thar takin mi á¹­hangpui seng raw se.

Amen!
Don't Miss
© all rights reserved
made with by Simon L Infimate