Responsive Ad Slot

NCHISF in Sit in Dharna an nei, DC'n an thil ngen 4 hai sukpuitling pek an tiem

Tuesday, April 25, 2017

/ Published by VIRTHLI
Haflong/CCPur, April 25, 2017; Virthli (ONP): Vawisun (25/04/2017) 11:00 AM khan N.C. Hills Indigenous Students Forum (NCHISF) chun Sit in Dharna, DC Office, Haflong tuol ah an nei. Anni hin thil ngen 4 (pali) an nei a, chuonghai chu an rang thei ang taka sukpuitling pek dingin an ngen a nih. Chuonghai chu- Railway Compensation peksuok ding, 2016 a ruo sur le riel in a suksiet leia harsatna tuok sungkuo 480 hai ta dinga thangpuina State Disaster Relief Fund (SDRF) le National Disaster Relief Fund (NDRF) hnuoia sum hung chu pesuok nghal ding, Minorities hai tadinga scheme um popo hai induong fel vat ding le hi thil hi Deputy Commissioner hmalaknaa sukfel ding le politics thalo inrawl lo dingin an ngen a, Minorities IAY 2nd Installment khawm pesuok vat dingin an ngen a nih.

Hi hun a hin Deputy Commissioner chun Disaster Relief Funds a mi kar khat sung ngeia a peksuok ding thu hrilin an tiem a. N.C. Hills Autonomous Council, Revenue Department in Railway Compensation hmu ding sungkuo details list a kuoma an peklut la nghak mek a ni thu a hril a, hi huna fekhawmhai hma ah Minorities Schemes um hai popo chu Deputy Commissioner in a enkai ding le IAY Funds inthlasuokna dinga lekha khawm sawrkar kuoma a thawn dei ta thu hai a hril.
Don't Miss
© all rights reserved
made with by Simon L Infimate