CCpur, April 26, 2017 (HT): Hmar People’s Convention (Democratic) (HPC-D) Chairman Mr Zosangbera chun April 25, 2017 khan HPC-D le Mizoram sawrkâr inbiek nâwkna April 28 a nei ding thuah, inremna le muongna hlun a um theina dinga ditsakna inhlanin, inbiekna fe meka thil umdanhai hrilfiein mipui khawmin inbiekna fe mek dan le a ra suok (ding), thil umdanhai lo hretthiem dingin thusuok a siemin a hril.
“Inbiekna hi danpui (Act) khit det dinga ruohman a ni leiin State department hrang hrang hai a kei khawmsa a tul leiin vawi khat vawi hnia rel fel el thei a ni nawh ti ei hriet seng a tul. Rorelna khawl puitling tak induong ei tum leiin tu bawla bawl thei thil a ni nawh. Mizorama Hmar dam khawsuok pui thei ding ro ei induong a ni leiin hun ei dit rawn met leiin dawthei taka ei nghak a ngai a nih. Inbiekna dinga hmalatu le pawl pahnih aiawa dawkan kiltuhai HPC (D) aiawin ditsakna insangtak kan hlan thar” tiin a ziek a.
Mizoram Hmarhai ta dinga Sixth Scheduled ei ngên tak a lo tling zo ta naw khawmin ei kawl vela 6th Scheduled hai khawmin “baksamna, inbattuona le intangna lientak” an nei thei tho lei le,”6th Scheduled chen mekhai lungawinawna” ei hmuhaia inthawkin “damna tluontling a lo ni bik nawzie” ei hmu zing leiin 6th Scheduled a lo ni naw khawma lungawi le hrethiem dingin mipui a ngên bawk.
Sixth Scheduled zel lut an naw khawma Schedule dang dang fun khawma dan tha tak takhai lak khawma siem ding ‘Sinlung Hills Council’ niin, Mizoram mipuihai dam khawsuokpui thei a ni ngei a beisei thu a hrilin, ringumna le indiknahai ei kengkaw tlat chun hringna le thisen ei lo chân tahai a thlawn naw ding zie a hril a. Council induong mek hi ‘Hmar hnam beiseina le hmathlir tungding thei ding rorêlna khâwl” a lo ni naw chun, thangthar mithiem lem han hmadawn thar ei nei nâwk pei el ding a nizie thu a hril bawk.
Pu Sozangber chun, tuta inbiekna dawkana inremna thuthlung ei siem thei si naw chun silai le tharum khawmin ‘inzopui ding iengkhawm a um naw” niin a hril a. Beiseina insangtak induong thei a ni lai zingin ei phutawk le chantawk bak khêl thei an naw thu a hril a. Hmasawn peina ding chun “ei intangna sut phawt” a tul thu a hril. Inbiekna hlâwtling taka nei a ni theina dinga mi tinin tawngtainahaia lo san dinga ngenin, “Hmar hnamah Pathien ropuina an lang theina dingin Pathien thangpuina le malsâwmna ei chungah um zing rawse” tiin a hril.
“Inbiekna hi danpui (Act) khit det dinga ruohman a ni leiin State department hrang hrang hai a kei khawmsa a tul leiin vawi khat vawi hnia rel fel el thei a ni nawh ti ei hriet seng a tul. Rorelna khawl puitling tak induong ei tum leiin tu bawla bawl thei thil a ni nawh. Mizorama Hmar dam khawsuok pui thei ding ro ei induong a ni leiin hun ei dit rawn met leiin dawthei taka ei nghak a ngai a nih. Inbiekna dinga hmalatu le pawl pahnih aiawa dawkan kiltuhai HPC (D) aiawin ditsakna insangtak kan hlan thar” tiin a ziek a.
Mizoram Hmarhai ta dinga Sixth Scheduled ei ngên tak a lo tling zo ta naw khawmin ei kawl vela 6th Scheduled hai khawmin “baksamna, inbattuona le intangna lientak” an nei thei tho lei le,”6th Scheduled chen mekhai lungawinawna” ei hmuhaia inthawkin “damna tluontling a lo ni bik nawzie” ei hmu zing leiin 6th Scheduled a lo ni naw khawma lungawi le hrethiem dingin mipui a ngên bawk.
Sixth Scheduled zel lut an naw khawma Schedule dang dang fun khawma dan tha tak takhai lak khawma siem ding ‘Sinlung Hills Council’ niin, Mizoram mipuihai dam khawsuokpui thei a ni ngei a beisei thu a hrilin, ringumna le indiknahai ei kengkaw tlat chun hringna le thisen ei lo chân tahai a thlawn naw ding zie a hril a. Council induong mek hi ‘Hmar hnam beiseina le hmathlir tungding thei ding rorêlna khâwl” a lo ni naw chun, thangthar mithiem lem han hmadawn thar ei nei nâwk pei el ding a nizie thu a hril bawk.
Pu Sozangber chun, tuta inbiekna dawkana inremna thuthlung ei siem thei si naw chun silai le tharum khawmin ‘inzopui ding iengkhawm a um naw” niin a hril a. Beiseina insangtak induong thei a ni lai zingin ei phutawk le chantawk bak khêl thei an naw thu a hril a. Hmasawn peina ding chun “ei intangna sut phawt” a tul thu a hril. Inbiekna hlâwtling taka nei a ni theina dinga mi tinin tawngtainahaia lo san dinga ngenin, “Hmar hnamah Pathien ropuina an lang theina dingin Pathien thangpuina le malsâwmna ei chungah um zing rawse” tiin a hril.
