CCPur, April 26, 2017 (HT): Mr Fimtuothang, Pu Lalmakthang, Thingpuikuol khuo le Pu Lalringum Inbuon Phulpui hai le Pu Lalvulmawi, Patpuihmun Lal hai kara thubuoi um le inzawmin zanikhan (April 25, 2017) Hmar Inpui (HI) GHQ hmalaknain Hmar Secretariat, HSA Campus, CCPur hmunah inthungkhawm a ni a.

Hi huna hin hieng pawl pahni hai thu ngaithlak ve ve a ni hnungin inremna siem a nitah. Inremna dungzui hin, tukum 11th Manipur Assembly Election le inzawma thubuoi suok a ni leiin Election a zo ta leiin an inhekna hai popo lakir ve ve hai sien, Hmar Inpui in a rel ang hin thuhma-thuhnungum ta loin, a tu tieng tieng khawma inza a zawm seng dingin kan rel’ tiin inremna thutlung a chun an ziek.

Hi inremna thutlung a hin Hmar Inpui GHQ a inthawk Francis Songate, General Secretary le Joseph Lalrothang, President hai bakah Fimtuothang, Thingpuikuol; Lalmakthang, Thingpuikuol; Lalringum Inbuon, Phulpui le Lalvulmawi, Chief of Patpuihmun han hming an ziek.

Post a Comment

Powered by Blogger.