Haflong, April 29, 2017, Virthli (ONP): Vawisun khan N.C Hills Indigenous Students' Forum (ISF) thil ngiet hai le inzawmin Railway, District Administration le ISF hotuhai chun meeting an neia, hi meeting hi Shri.Pramod Kumar Jain,  Divisional Railway Manager,  Lumding keihruoina hnuoia nei niin ahnuoia hai hi hriltlang le rel a nih.


1. Railway Compensation la peklo chungchang ah DRM chun sukfel le insuo vat dingin an tiem. Railway Compensation hi a ram neitu hai account a lut dinga ti ania, Council hung inrawlin, Council account a lut hmasa phawt ding an hung ti ta leiin Deputy Commissioner in an insuo (release) nuom ta naw leia ISF hin hma alak a nih.
2. Mahur Town anthawka Mahur Station chen lampui (approach road) thar siem ding chungchangah DRM chun tender hai ko zo hnunga sin tan vat ani ding thu a hril.
3. New Haflong le New Harangajao Stations hai approach road siem ding chungchanga Railway le ISF haiin joint survey thaw ding ti le tuta financial year sung ngeia siem zo hman dingin DRM chun a tiem bawk.
4. Railway Authorities hai chun leilak thar (Foot over Bridge) Mahur, New Harangajao le Ditokcharra stations hmun haia siem dingin an remti a, sin tan hma in joint survey nei dinga ti a nih.
5. Hill Queen chungchanga DRM chun thla 2 sungin Lumding-Silchar Hill Queen Train service chu tan ning a tih tiin a hrila, rail chawlna hmun (additional train Stoppage) siemsa dingin a tiem. ISF chun Hill Queen le Jan Satabdi service hai chu mipui hai sawkzangkhaina dingin sukkawp dingin an ngen sa bawk a nih.

Post a Comment

Powered by Blogger.