Hmarkhawlien, 13 April, 2017 | Virthli (ONP): Hmarkhawlien khawsung sunga Lampui inruolnawna le ruo a tlak huna tui intlingan hmun thenkhat hai chu Pu Lalthomlien Hmar in thahnemngai insuoa ama sum senga pilvum hmanga an vurtir chu chawl lovin a sunzawm pei a. Khawsung inlailina tak Tinmukhi tia hrieta umna hmun chu vawisun (13 th April) hin JCB le inthuin lampui chilruolna (Soil leveling) a nei nawk a nih.
Hmarkhawlien khawsung lampui siemthata umna theina dingin khawsunga Organisation hran hran le hnam dang hai thang sain Bandh hai khawm ko a lo ni ta hlak a. Sorkar tienga thuneituhaiin khawsungin pawimaw le nia a hriet lampui tha siem dinga a ngena chu a thu le lekhahaia intiemna an nei hnung khawmin mita hmu thei ding an hmalakna a lan lang naw zing a. Biek-In panna lampui tha naw hraw rawp dinga la um chu Pu Lalthomlien hin ngai pawimawin ama sum sengin hmalakna a nei pha ta a nih.
Khawsung mipuiin Pu Lalthomlien a hmalakna hi ropui le tha an ti hle a. Fur ruotui tlak hung intan dinga khawlai dung pawr neng nung hlak kha tuta lampui siema um lei hin an pumpeltir thei dinga ngai pawl tam tak an um bawk a nih.
Khawsung mipuihai harsatna ngaipawimawa a theina kawng hran hrana hmalak a tum dan hrilin Pu Lalthomlien chun PWD Minister Parmimol Suklabaidhya an hmupui tak thu khawm a hril a. Hmalak dinga sin dinga sorkar tienga inthawka beiseina a um lai zingin ruotui tlak leiin lampui sietna bik hai a pawr hle a. Inkhawm fena dinga mipuiin lampui pawr tak el hraw ngaia la um hlak chu a ngaimaw thu hrilin hieng ang hmalakna hi a lo fepui el a ni thu a hril a.
“Gabinagar panna lampui le Diger Junction anthawka Hmarkhawlien Junction chen haia sorkar hmalaknain CC Block dap a ni vat ta ding a nih,” tiin Pu Lalthomlien Hmar chun a hril bawk a nih.
Input: THT
Hmarkhawlien khawsung lampui siemthata umna theina dingin khawsunga Organisation hran hran le hnam dang hai thang sain Bandh hai khawm ko a lo ni ta hlak a. Sorkar tienga thuneituhaiin khawsungin pawimaw le nia a hriet lampui tha siem dinga a ngena chu a thu le lekhahaia intiemna an nei hnung khawmin mita hmu thei ding an hmalakna a lan lang naw zing a. Biek-In panna lampui tha naw hraw rawp dinga la um chu Pu Lalthomlien hin ngai pawimawin ama sum sengin hmalakna a nei pha ta a nih.
Khawsung mipuiin Pu Lalthomlien a hmalakna hi ropui le tha an ti hle a. Fur ruotui tlak hung intan dinga khawlai dung pawr neng nung hlak kha tuta lampui siema um lei hin an pumpeltir thei dinga ngai pawl tam tak an um bawk a nih.
Khawsung mipuihai harsatna ngaipawimawa a theina kawng hran hrana hmalak a tum dan hrilin Pu Lalthomlien chun PWD Minister Parmimol Suklabaidhya an hmupui tak thu khawm a hril a. Hmalak dinga sin dinga sorkar tienga inthawka beiseina a um lai zingin ruotui tlak leiin lampui sietna bik hai a pawr hle a. Inkhawm fena dinga mipuiin lampui pawr tak el hraw ngaia la um hlak chu a ngaimaw thu hrilin hieng ang hmalakna hi a lo fepui el a ni thu a hril a.
“Gabinagar panna lampui le Diger Junction anthawka Hmarkhawlien Junction chen haia sorkar hmalaknain CC Block dap a ni vat ta ding a nih,” tiin Pu Lalthomlien Hmar chun a hril bawk a nih.
Input: THT
