Imphal, April 19, 2017, Virthli (ONP): Vawisun khan All India Radio, Imphal huoihawt Yenningthagee Eshei (Spring Song) chu Chandrakirti Auditorium, Palace Compound, Imphal hmuna hmang a nih. Hi huna hin Shri N Biren Singh, Chief Minister, Manipur chu Chief Guest a thangin, Shri Thogam Biswajit Singh, Minister, PWD & IPR chu Guest of Honour in le Shri Ratan Thiyam, Chairman, National School of Drama, New Delhi chu Functional President a hmang a nih.


Hi huna hin hnam dang dang anthawkin an hnam hla hai ngaithlakna nei a nia, Hmar hnam hla sakna Tv. Joseph Pakhuongte le Nk. Gladys Lalparzo Sanate haiin an nei ve a nih. Anni hin Chawnlam hla, Pengpelep version chu thiem le nal takin an sak a, mipui pungkhawm hai khawma mawi le nal tiin an lawm hle a nih. AIR, Imphal a thawk Hmar mi Pi Thangneikim, Programme Executive Co -Ordinator, Announcer/Reporters hieng Pu Francis Songate, Caroline Lalremzo, Julie Vanlalsang, John Daniel, Emanuel Lalsangrem, Lalthalien le Pu Robinson Sanate, Programme Executive hai khawm hi huna hin an thang ve a nih.

Post a Comment

Powered by Blogger.