Aizawl, April 8, 2017, Virthli (ONP): Ei thu lakna in a hrildan chun nakie dar 11:45 (7th Arpil, 2017) bawr vel khan Mizo rapper inlar Michael M Sailo chu a Bike khal le truck an insukpal na-ah nasatak in a hliem a, damdawiin panpui nghal niin a hliem tuor zo lovin muol ami lo liemsan tah a nih.

Michael M Sailo hi Mizo rapper dangdai tak el a nia, Mizo tawng le Saptawng chawkpawla mawikhaitaka rap thei a nih. A Album hmasatak "Ka Duhaisam" ti chu 2004 khan a tlangzara, hung inlar tung peiin kum 2006 khan ‘A zual thin e’ ti album siem nawkin, Zohnathlak hai laia rapper inlar pawl tak a hung ni a nih. Mizo hlasakthiem inlar tak tak hai le khawm hla iemanizat alo siem taa, Mizoram le Mizo hnam lai el bakah Mizoram puotieng khawm a ngaisang pawl tamtak umin hmun hrang hrang haia hla sak dinga fiel rawp hlak a nih.


Mizorama rimawi tieng panga lawmman insang pawl tak hieng Rimawi Khawvel ‘Best New Artiste’ Award 2004, ‘Male Singer of the Year’ 2005 le Lelte’s Rapper of the Year Award 2005 hai khom lo dawng tah a nih.

Michael M.Sailo hin Mizo hlasakthiem tho Malsawmtluangi (Sp-i) neiin nau pahni an nei ta a,  Spaceville Pro Sessions, D34 MG Road, Upper Khatla, Aizawl, Mizoram a khawsa an nih.

Post a Comment

Powered by Blogger.