Haflong, 27th March, 2017, Virthli (ONP): Vawisuna NC Hills Indigenous People Forum (IPF) in Dima Hasao District  (NC Hills tia hriet hlak) ah darkar 24 Bandh a huoihawt chu dodaltu tamtak hai leiin IPF picketers hai chungah kut thlakna a tlung a, hi buoina chingfel dinga fe Tv. David Keivom, President, Indigenous Student Forum (ISF) chu Police haiin an man (arrest) a, man a umna thu le inzawmin nunghak-tlangval a sangtel hieng unau Kuki, Naga le Hmar anthawk an lungawinaw zie suklang dingin Haflong Police Station an pan a, SP leh inbiekrem ani hnungin buoina sosang taluo lovin insuo zalen ani tah.



Dima Hasao SP chun Bandh dodaltu Dimasa Student Union (DSU) thuoitu hai khawm ko in, hnam le hnam kara buoina suok lo zawnga hma la ding le hmatieng peia khawm buoina (communal clashes) a suoknaw na dingin Student thuoitu hai chu an fui. IPF chun NC Hills tia ko hlak hnam tin lungruol taka umkhawmna hlak chu Hnamkhat ta bik anga hming thleng ani chu dit lovin Indigenous mipui hai ta dinga District satthlak le 3 (c) of Articles 244(2) & 275 ((1) of Sixth Schedule (Indian constitution ) dungzuia Separate Autonomous Council ngen an nih.

Post a Comment

Powered by Blogger.