Muolhoi/Haflong, March 31, 2017, Virthli (ONP): Zani (30.03.2017) khan NC DC inrawina hnuoia DC Conference Hall ah Superintendent of Police Haflong, Railway hotuhai, NHAI, Revenue Department, Council țhuoitu țhenkhat le NCHISF țhuoitu hai bakah Khuo sawmpakhat (11) anthawk Goan Bura le Secretary hai joint meeting nei a nih. Hi huna hin hunsawttak anthawka Rail lam siemna (Railway construction) leia In le Lo suksiet a um hai ta dingin compensation NCHISF hmalâkna in zanikhan Railway anthawk sanction order chu in 500 bawr vel hai tadingin pêk suok in alo um tah. Hi sum hi hun sawtnawte hnunga an account senga an sum hmuding zat chu DC Office anthawkin an thun pêk ding an tah.
Hi compensation hmu nadinga hmalatu NCHISF President Mr. David Keivom chun Deputy Commissioner kuoma le Railway Authority hai kuoma lawmthu a hrila, chun tuta an hmu hi Zerrat Bill (huona thing le thlai man) ana Land Developement khawm hun sawtnawte hnunga Railway Authority in pêk dinga an intiemna chu lawmthu a hril sa. Chun hi compensation hmuna ding hin sawrkar dan (Law) kal zawnga hmalakna khawm a um nuola țhenkhatin silaimu hai chen tuor a, mipui le NCHISF hai hmalâkna a hin Police tieng pang le khawm vawitam an innawr buoi bawk ta lei hin Police tienga hotuhai kuoma inphalamna thu le an hrietthiemna thuah lawmthu a hrilsa bawk a nih.
Hi compensation hi mimal le organisation NGO țhenkhatin an lo buoipui zek tah, court a hai chen ah hnena lo chang rawp ta hai sienkhawm Railway Authority hai hin suonlam an siem khum rawp hlak leiin mipui țhenkhat beidawngin NCHISF kuoma an harsatna hi an inthlun a, bul an țan tir hin țhenkhat chun hlawtling khawm beisei phâk lo in an râl ena amiruokchu NCHISF chun Rail Blockade hai dam thaw in mani sum sengin Guwahati-ah hai vawitam Railway Authority hai le inhmuin hma an lâk a vawisun hin bill popo la hmu naw hai sienkhawm hieng Zerrat bill hai hang hmuthei a an um hi mipui chun nasatakin NCHISF țhuoitu hai kuoma lawmthu an hril mawl mawl el a nih, hieng mipui hai hi Railway contsruction leia In le Lo, Biekin le School hai chen chan a huon le thlai Leilet hai tamtak chan an ni a, an harsatna hi an renga sawmdawl le an thil chan hai hi pêklêt vawng chu thil awl ni naw sienkhawm Railway authority anthawk zângna dawmna țhangpuina an hmu dinga ngirhmun an um hi NCHISF chun a lawmpui takzet a nih.
Hi compensation hmu nadinga hmalatu NCHISF President Mr. David Keivom chun Deputy Commissioner kuoma le Railway Authority hai kuoma lawmthu a hrila, chun tuta an hmu hi Zerrat Bill (huona thing le thlai man) ana Land Developement khawm hun sawtnawte hnunga Railway Authority in pêk dinga an intiemna chu lawmthu a hril sa. Chun hi compensation hmuna ding hin sawrkar dan (Law) kal zawnga hmalakna khawm a um nuola țhenkhatin silaimu hai chen tuor a, mipui le NCHISF hai hmalâkna a hin Police tieng pang le khawm vawitam an innawr buoi bawk ta lei hin Police tienga hotuhai kuoma inphalamna thu le an hrietthiemna thuah lawmthu a hrilsa bawk a nih.
Hi compensation hi mimal le organisation NGO țhenkhatin an lo buoipui zek tah, court a hai chen ah hnena lo chang rawp ta hai sienkhawm Railway Authority hai hin suonlam an siem khum rawp hlak leiin mipui țhenkhat beidawngin NCHISF kuoma an harsatna hi an inthlun a, bul an țan tir hin țhenkhat chun hlawtling khawm beisei phâk lo in an râl ena amiruokchu NCHISF chun Rail Blockade hai dam thaw in mani sum sengin Guwahati-ah hai vawitam Railway Authority hai le inhmuin hma an lâk a vawisun hin bill popo la hmu naw hai sienkhawm hieng Zerrat bill hai hang hmuthei a an um hi mipui chun nasatakin NCHISF țhuoitu hai kuoma lawmthu an hril mawl mawl el a nih, hieng mipui hai hi Railway contsruction leia In le Lo, Biekin le School hai chen chan a huon le thlai Leilet hai tamtak chan an ni a, an harsatna hi an renga sawmdawl le an thil chan hai hi pêklêt vawng chu thil awl ni naw sienkhawm Railway authority anthawk zângna dawmna țhangpuina an hmu dinga ngirhmun an um hi NCHISF chun a lawmpui takzet a nih.
