Imphal, March 25, 2017: Dt. 24th March, 2017 chawhma dar 11:00 khan 11th Manipur Legislative Assembly Election 2017-a 55-Tipaimukh(ST) A/C inthlangna-a Pu Dr. Chaltonlien Amo –in Hlawtlingna a changna Pathien kuoma lawmthuhril inkhawmna le thlaithleng awt-tlangna hun Dr. Chaltonlien Amo Qtr. No.2/VII-CP, Lamphel hmunah hmang a nih. Hi lawmna inkhawm a hin mipui 1200 neka tam ding an thanga, mipui a thang hai laia a zatve neka tam chu a biel mi nia hriet an ni bawk. Hi lawmna inkhawm hi Pu L Thanzam Pulamte, Election Agent-in a keihrouia, “Ami thuoipei malsawmna hlu’n” ti hla hlimtaka sakin mipuiin Pathien an inpaka. Pu Josanghlei Joute, Chairman, Election Committee in mipui hung hai lawmlutna a neia, Rev. Lalneikhup Hmar-in lawmthuhrilna le Dr. Chaltonlien Amo le a sunghai, a ram le mipui ta dinga tawngtaipekna a nei bawk. Hi huna hin Dr. Chaltonlien Amo (MLA Elect) anthawk biel sunga sin thaw a lo um tah, thaw meka um, le thaw dinga proposal-a um hai ngaithlak ani baka, Pherzawl District chanchin le hma lakmeka um hai ngaithlak a nih. Rev. Chungthang Thiek anthawk Pathien Thu ngaithlak a nia, star campaigners hai anthawk le mi tamtak anthawk thuhril ngaithlak ani bawk. Hi huna hin lawmpuina le ngainat suklangna - in Dr. Chaltonlien Amo kuoma mi tamtakin thilpek inhlanna an nei bawk.
Hi lawmna inkhawmah hin ei hnam sunga mi pawimaw, mi lien tam tak an thang baka kohran dang dang anthawk Pastors le Reverends tamtak an thanga, ei hnam sunga hlasak thiem le inlar Nk. Christina Shakum, Nk. Lalparzo le Tv. Lalsanglien Zote hai an thang bawk. Anni a inthawk hin Pathien inpakna hla, lawmthuhrilna hla le saihla thiem tak le ngainuom um tak taka an sak hai ngaithlak ani a, mipui an suk hlim hle bawk. Lawmna hun hi hmang ani zo in Rev.Dr. Lalhmuoklien in hun khar tawngtaina le ruoi inhlanna neiin hun khar a nia, chu zoah lawmna ruoi hlimum taka kiltlang a nih.
Hi lawmna inkhawmah hin ei hnam sunga mi pawimaw, mi lien tam tak an thang baka kohran dang dang anthawk Pastors le Reverends tamtak an thanga, ei hnam sunga hlasak thiem le inlar Nk. Christina Shakum, Nk. Lalparzo le Tv. Lalsanglien Zote hai an thang bawk. Anni a inthawk hin Pathien inpakna hla, lawmthuhrilna hla le saihla thiem tak le ngainuom um tak taka an sak hai ngaithlak ani a, mipui an suk hlim hle bawk. Lawmna hun hi hmang ani zo in Rev.Dr. Lalhmuoklien in hun khar tawngtaina le ruoi inhlanna neiin hun khar a nia, chu zoah lawmna ruoi hlimum taka kiltlang a nih.
