15th EFCI Central Nuhmei Pawl Conference

Muolhoi, March 12, 2017, Virthli (ONP):  Saron khuo N. C. Hills hmuna 15th EFCI Central Nuhmei Pawl Conference (CNPC) "A Hun Taka Ra Insuo" ti thupui hmanga 10-12 March, 2017 sung aw dinga riruong chu program tluongtakin a fe pei. Biel tina inthawka Palai fekhawm an thahnem hle niin chanchin ei dawng. Zanikhan rorelna hun hmang niin, ro tam tak el rel ani bakah EFCI Central Nuhmei Pawl term 2017-2020 sunga thuoitu ding thlangna nei ani a, a hnuoia hai hi thlangtling an nih;

Chairperson : Mrs. Rebek Darneimawi (Saikot Presbytery)

Vice- Chairperson : Mrs. Lalruot Khobung (Aizawl)

Secretary: Mrs. Dr. Vanrammawi Pakhuongte (Saikot)

Asst. Secy.: Mrs. Hnemi Tuolor (N.C.Hills)

Fin. Secy.: Mrs. Lalremkim Hmar (Aizawl)

Treasurer: Mrs. J. Laltluong Neitham (Meghalaya)

Standing Members: Mrs. Lalremsiem (NIMF) and Mrs. Zosangzuali (Kolasib)

Advisers: Rev. John L. Thilsong (Secy.) le Rev. Lalritluong Darngawn (PS)

Vawituk Pathienni zing inkhawm huna Rev. Lallienvel Pakhuongte, President EFCI in Greetings le lawmthuhrilna a nei a, Upa S. Chinpu, Vice Chairman in CKTP aiin  greetings le Conference Chibai bukna'n Rs. 10000/- inhlanna a nei. Pi Dr. Lalrimawi Pudaite in Pathien thucha ropuitak hrilna neiin malsawmna an dawng nasa hle a nih CNHP Conference a hin biel tin deuthaw a'nthawkin le Saikawt Presbytery Female Voice hai hlasak chun fekhawmhai mit le na a suktlei hle.
 Sun inkhawmna a Pi Lalmuonpui, TCS Lecturer in hnesawtakin Pathien thucha hrilna a nei a, chun Pi Rebek, Chairperson CNHP in inkhawmpui tumtik zan (vawizan hin) hin thuhril rawngbawlna nei bawk a tih.