New Delhi, February 23, 2017, Virthli (ONP): Delhi Hmar Welfare Association (DHWA), Hmar Christian Fellowship Delhi (HCFD) le Hmar Students Association (HSA) Delhi haiin an lo rel ta angin zing (February 24, 2017) dar 1 PM - 6:00 PM inkar sung hin Apostolic Methodist Church (basement), Sector – 4, R.K. Puram hmunah ‘Delhi Hmar Inkhawmpui’ nei ning a tih. Hi huna hin thu pawimaw chihrang hrang hai inhrilhrietna hun, Delhi khawpuia khawtlang inrêl bawl dan le khawpui khawsak le inzawma hriet ding pawimaw hai inhril hrietna hun hmang ning a tih.

Delhi le a sêvêla chêng Hmar hnatlak ei pung pei a. Tawng khat hmang/hnam khat ei nina anga ei inkhaikhawmna le ei insawmdawl tuona kawngah tuta neka tha lema kal ei pen theina ding le ei khawtlanga buoina chi hrang hrang ei hmasuon mek le ei la hmasuon pei dinghai ei pumpel thei beisei leia hi hun pawimaw hi induong a ni thu DHWA chun a hril. Chun, hi huna hin Delhi khawpui le a sevela Hmar tawng hmanghai le Hmarnau a intiem ta phawt hai chuh thang ngei dingin DHWA chun inhriettirna a siem bawk a nih.

Hi huna hin Delhi Police North East Cell a'nthawkin Legal Expert Rajesh Narang le Svetlana, Supreme Court Lawyer hai khawm hun nei dinga beisei an nia, anni hi Delhi a North East mihai chungchang nasataka lo buoipui le thangpui hlak tu an nih.


Post a Comment

Powered by Blogger.