Zairawn,Jiribam, 5 December, 2016, Virthli (ONP): Jiri Region Sikpui Ruoi chu ropui takin hmang a nia, sun hun a hin Tv. Lalringum, Nk. Lalruotmoi, Nk. Mercy Shakum haiin hnesaw takin an keihruoi a, Sikpui Bandh hai keihruoi nain " AW KAN HMAR RAM" ti hla sakna neiin, Upa HK Ngurlien in hunhawng țawngțaina neiin programme țan a nih. Khuollien dinga fiela um ha khawmin an hun hai an hmang thei senga, hi huna Chief Guest chu Pu H.T Sangliana, IPS Retd and Former MP, Guest of Honour Pu Lalthawmlien Chairman BVHTDC, Functional President Pu Lalawilien Amo le Sikpui Pa Pu Ramlien hai an nih.

Chief Guest dinga fiela um, Pu H.T Sangliana, ama In dinga bawl a um, H.T Sangliana House No. 79, Tlangpa in a bawl a chun HWA haiin zawnlutna an nei zoin, Rev Benjamin in Guest hai introduction felfai takin a neia, Pu Rothang, Organising Chairman in mipui hai lawmlutna nei programme a sunzawm. Hun karlaka artist dinga fiela um, Christina Shakum le local artist haiin mipui hla in anin awia, cultural troupe khawdang dang a inthawkin inentirna nei ani bawk a nih.


Rev Lalnunmawi a'nthawk Gospel Message ngaithlak a nia, zing ni eng mawi tieng Sikpui theme le in zawmin Pathien thu tawifel deua ngaithlak a nih. Khuol inzaum Guest of Honour Pu Lalthawmlien, Chairman, BVHTDC in hun hmangin Hmar hai hi Pathien thu le inzul a Hnam rawngbawl ding le suksuol tamtak ei nei haia inthawk in Pathien tieng kira, Pathien thu le inzul a Hnam rawngbawl dingin fekhawmtu hai an fui. Sikpui Pa, Pu Ramlien a inthawk thu țha tak tak ngaithlak anih, hun a hmang zing lai in, Pu L.Thanmawia Pajamte chu fiel in, Sikpui Chanchin - Sikpui Ruoi ințan dan le Sikpui Ruoi anlo hmangdan hlak hai hrilna a nei.

Khuollien, Chief Guest ainthawk thu pawimaw takel ngaithlak a nia, Hmar hai hi tumruna le hma la nawk zuol dingin an fui a, pi le pu haiin ahmasatak nina an lo buonthluk hlak angin, Zohnatlak lai khawm nisien ei duoi bik naw zie hai hril in, țhangthar hai hma la thar dingin an fui,

Guest haia inthawk hun hmangzo ani hnungin, SIKPUI LAM inelna nei ani bawk. Hieng programme po po zo ani hnungin Rev Thangchawilien in hun suktawpna le Ruoi inhlanna neiin sun programme chu hmangzo a nih.

Zan Programme hi Tv Paul Rohmingthang le Nk Jubilee in hnesaw em em in an keihruoi a, Pastor Hk Thilsuo in hun hawngțaina neiin programme țan a nih. Zanhun hi Entertainment Programme deua hmang a nia, Sikpui Ruoi Idol Final round nei sa ani bawk. Inelna /competition zo ani hnungin Lawmman semna nei a nih. Lawmman dawngtu hai chu;

SIKPUI LAM
1st- Tuisuolien
2nd- Gilgal
3rd- Buthangkhal

SIKPUI IDOL
1st- Gloria Rolienpui, Zairawn
2nd- Tv Lallungawi, Jiribam
3rd- Nk Lalsangpui, Buthangkhal

Lawmman sem zo ani hnung hin vawikhat hun suktawpna Rev Benjamin Shakum in neiin, Rock Concert SINLUNG BAND EXPRESS hai keihruoina hnuoi a sunzawm ani a, mipui an țha hnem hle, zan dar 1.35AM lai chen inhawi ti tak pumin Jiri Sikpui Ruoi chu hun danga hmang nawk dingin hmangzo alo ni tah.

Post a Comment

Powered by Blogger.