CCPUR, December 13, 2016, Virthli (ONP): "Festival of Brotherhood; Back to the Roots", The 2nd Manipur State Level Sikpui Ruoi 2016 Saikot, CCPur hmun a Dec. 13, 2016 chawhma dar 11 AM ainthawk Sun le zan haia puithu taka hmangna ding le inzawmin HAA huoihawtna'n Dec. 12, zan khan Sikpui Ruoi ding lo urlawkna'n Musical Nite huoihawt a ni a. Live Band, Artiste tum tum le CCPur a hnam tum tum inthlungkhawmna Joint Artistes' Assn. in hlapawl mawi tak leh an founder, Pu T. Thangthuam Guest of Honour rawia uop in hla'n mipui fekhawmhai an inawi. Hi huna hin Pu Lunminthang Haokip IAS, DC, CCPur in uopin thuhrilna a nei huna chun Sikpui Ruoi ditsakna inhlanin hungtlung ding Manipur a MLA election ding le inzawma sawrkar in mipui hriet dinga pawimaw a ti hai hrilna a nei bakah ama hla phuok ngei, election le inzawm icon ha'n hla'n an sak a mipui lawm le bengvarna a pek hle. Sikpui Ruoi le HAA pawimawna ti thupui a hmangin Pu James Songrolal Songate in thuhrilna a nei bawk.


Hi hun sunga Media & Event Partner- Premier Cable TV Service in Manipur, Hornbill Cable Network (HCN) chun Live in a pek suok a. Online Editing khawm Wilson Infimate Photo & Videpgraphy le Kangla Films Manipur, Premjit Online Editing & Photography ha'n an thaw a, a hmun a khawm Giant Screen ah en thei zing a nih. Dec. 13 sun le zan haia chun Mizoram le Manipur a hlasakthiem haiin mipui hla'n in awi an ta, Chief Guest, Guest of Honour, Functional President le Sikpui Pa haia inthawkin thu pawimaw tak tak ngaithlak ning a tih.

Hi hun sung hin Social Media haia tarlang tah angin Saikot Defence Party (SDP) in uluk takin security sin thawng an tih. Chun, Sikpui Ruoi le inzawma Dept. tum tum haiin mani mawphurna seng thawng an ta, CCPur Dist. Legal Services ha'n mipui hmakhuo ngaituona'n Legal le inzawmin hi lai hmun a hin thangpuina hmun hawng an tih.

Life Cafe le ICI KTP, Sub-Hqrs, Saikot in fak le dawn tuihnai tak tak, chi tum tum hi lai hmun a hin zawr bawk an tih. Hi Sikpui Ruoi hmang ding hin state tum tum a'nthawk khawmin mipui an fekhawm a nih tiin Info & Publicity Dept. chun a hril.

Photo Credit: Din Dina Darngawn

Post a Comment

Powered by Blogger.