Responsive Ad Slot

Pherzawl District buoina um lo a hawng a nih

Friday, December 16, 2016

/ Published by VIRTHLI
Pherzawl, December 16, 2016, Virthli (ONP): Pherzawl District hawngna hun chu induong lawk ang takin zing dar 10 khan hawngna hun hmang a nih. Pherzawl District thar hawngna hi boruok muongum tak hnuoia Manipur Chief Minister Pu Okram Ibobi Singh in a nei a nih. Hi huna hin Pu Gaikhangam, Hon'ble Deputy CM, Pu Dr. Chaltonlien Amo, Hon'ble Chairman, Hill Area Committee le Pu Vungzagin Valte, Hon'ble Parliamentary Secretary (Horti & SC/CADA hai an thang. Hi huna thang ve dinga ti Pu I. Hemochandra Singh, Hon'ble Minister (Revenue) le Pu T. Manga Vaiphei, MLA & Chairman, MTDC hai ruokchu Helicopter tieng pang remchangnawna leiin an thang thei ta naw a nih.





Pic: 2014 kuma Pherzawl ADC hawng huna mi
Pu A. Tombikanta Singh, IAS, Pherzawl DC chun mipui pungkhawm hai lawmlutna hun a hmanga, CM in Plague hawngna le ribbon chepbawngna a nei. Hi huna hin Hnam lam inentirna hai nei a nih. CM bakah Pu Chaltonlien Amo, Pu Vungzagin Valte, Pu Gaikhangam le hnam thuoitu thenkhat haiin thuhrilna hun an nei.

Pherzawl District thar lawmna thingpui dawntlangna nei a nia, CM in hnam thuoitu hai an hmupui zo in Helicopter in a vuongkir nawk a nih.

#Phone network a tha naw leiin thlalak le report kimchang ei la hmu thei naw leiin nakie tieng kimchang deua la hung post ning a tih.



Don't Miss
© all rights reserved
made with by Simon L Infimate