Shillong, December 4, 2016, Virthli (ONP): Mizoram sawrkar le Hmar People’s Convention (Democratic) hai inkara inremna lampui dapa inbiekna fe mek chu inbiekna a vawithumna (Third Round) ding chu December thla lailung vela nei nawk a ni ding thu chu HPC (D) pailai haia inthawkin thu dawng a nih. Hi inbiekna sunzawm nawk ani ding thu hi Mizoram sawrkar tieng khawmin Home Department fethlengin vawisun khan a puonglang ve a nih. Inbiekna hun ding ruokchu sukchieng ala ni nawh.
Mizoram sawrkar le HPC (D) palai hai hi boruok muongum tak hnuoia vawihni lai inbiekna an lo nei tah a, a vawikhatna chu August 10 khan an neia, October 6, 2016 khan a vawihnina sunzawm niin, nihni sung zet inbiekna neiin framework of agreement hai chen an lo ziek fel tah a nih. Hi inbiek sung hin SHDC chungchang nasa taka hril niin Sixth Schedule hnuoia autonomous district council ngenna ruokchu an lo suktawp tah a nih.
Inbiekna a vawihnina a Framework an ziek hai chu palai haiin thuneitu hai kuomah intlun in hriltlangna hai an nei veve ta bawk thu dawng a nih. HPC (D) palai hai le hotu hai chun Manipur, Sinlung Hills le Meghalaya hmun a hnam thuoitu le mipui hai kuoma inbiekna report hai pein hriltlangna hun hai khawm an lo nei ta bawk a nih. Mizoram sawrkar le HPC (D) chun hi inbiekna hin ra țha ansuo ngei an beisei thu dawng a nih.
Mizoram sawrkar le HPC (D) palai hai hi boruok muongum tak hnuoia vawihni lai inbiekna an lo nei tah a, a vawikhatna chu August 10 khan an neia, October 6, 2016 khan a vawihnina sunzawm niin, nihni sung zet inbiekna neiin framework of agreement hai chen an lo ziek fel tah a nih. Hi inbiek sung hin SHDC chungchang nasa taka hril niin Sixth Schedule hnuoia autonomous district council ngenna ruokchu an lo suktawp tah a nih.
Inbiekna a vawihnina a Framework an ziek hai chu palai haiin thuneitu hai kuomah intlun in hriltlangna hai an nei veve ta bawk thu dawng a nih. HPC (D) palai hai le hotu hai chun Manipur, Sinlung Hills le Meghalaya hmun a hnam thuoitu le mipui hai kuoma inbiekna report hai pein hriltlangna hun hai khawm an lo nei ta bawk a nih. Mizoram sawrkar le HPC (D) chun hi inbiekna hin ra țha ansuo ngei an beisei thu dawng a nih.
