Diphu, December 7, 2016, Virthli (ONP): Joint SikpuiRuoi Central Committee in Hmar hnam huopa a houihawt ‘Joint Sikpui Ruoi 2016 ‘ chu Dec 4&5,2016 khan Diphu,Karbi Anglong Assam ah ropui takin hmang a nih.A ni khatna ni Dec 4 (Sunday), 2016 huna hin Covenant High School Auditoium,Diphu ah ‘ Seminar Cum Workshop On Hmar Community Related Issues’ nei a nih. Nk. Phoibi L Tuolor in hun hi a keihruoi a,Pu RH Hminglien in ‘The Hmars Status in all Kuki-Chin Tribes’ ti thupuia hmangin thuhrilna hun a hmang a.Upa Darthangluoi le Pu Vanlallien Pulamte ha’n ‘Sikpui Ruoi (Winter/Harvest Festival),a debate’ ti thupuia neiin thuhrilna hun an hmang a,’Manmasi thlahai tuhai am anna?’ ti thupuia hmangin Dr. Crossthang Sanate in thuhrilna hun a hmang a,Pu R. Th Varte in ‘Literature Tobul’ thupuia hmangin thuhrilna hun a nei bawk.Hi hun sung hin Hmar hnam sunga organistion thuoitu, Hmar hnam sunga intellectual le hi huna fekhawm mipui ha’n Hmar hnam issue le inzawmin an ngaidan hai hrilna hun an hmang.


A nipui ni tak Dec 5,2016 chu Joysingh Doloi Auditorium, Diphu ah hmang a nih . Hun hmasa tieng Hmar Artiste hai keihruoina in mipui-in ‘Aw kan Hmarram’ ti hla sakna an nei a. Hun hawng tawngtaina Rev L Varte in a nei zovin Tv. Lalnunthar Zate le Nk. Lisa Varte haiin hun hi hnesaw takin an keihruoi a. Hi huna hin Pu Francis Songate,Gen. Seceratary, Hmar Inpui Gen Hqtr,Upa Laldawnlien Varte, President,HYA Gen Hqtr, Pi J.L Sawmi, President, HWA Gen Hqtr,Tv. Joseph V Tuolor, Gen. Secy. HAS Gen Hqtr haiin thuhrilna hun an nei a. Pu Joseph Lalrothang, President, Hmar Inpui in Sikpui Ruoi ‘Thucha’ a thawn chu Dr. Phoibi Tuolor in tiemlangna hun a nei bawk. Hun kar lakah HAA members han hla mawi tak tak sakin mipui fekhawm hai an inawi.

Hi huna hin Sikpui Pa Rev. R. Hmar(Resigned IAS) chu chawimawina thilpek inhlan a ni a. Chawimawina thilpek inhlan a ni zo chie in Pi Nienglawmkim Sungte in hla mawi takel a sak. Joint Sikpui Ruoi Central committee in a buoitsei ‘ Sikpui Ruoi Souvenir (Silver Jubilee Celebration Publication) chu Sikpui Pa Rev H. Hmar in tlangzarna a nei. Hi huna Khuollien dinga fiel Dr. Himanta Biswas Sarma, Minister for Education,Health&Finance,Govt. of Asaam le Guest of Honour dinga fiel Chairman le CEM,Karbi Anglong Autonomous Council hai chu remchang nawna leiin hi hunser hi an hung uop thei nawa, Pu S. Thiek (Retired ACS) chu Functional President niin hi hunser hi a uop.

Sikpui Ruoi hmang huna hin Rev. Kh Thang Dailo,Pune Maharashtra chu kum 1964 laivel a Imphal hmuna HAS han Sikpui Ruoi an houihawt tuna HAS thuoitu le lo huoihawt tu ani leiin Life Time Achievement Award inhlan a nih a. Karbi Anglong,Assam a Sikpui Ruoi lo huoihawt tu hmasa tak (L) Pu Hringpau Nampui,,Chief of Muoldam khawm Chawimawina inhlan a nih.
Karbi Anglong,Diphu hmuna Sikpui Ruoi vawihni na lo intlungtirtu le kum 1994 a Karbi Anglong Council a ‘Sikpui Ruoi’ Holiday dinga lo nawr suoktu Pu Ronghak Hrangchal,Diphu khawm chawimawina inhlan a ni a,ama ruol hin Karbi Anglong Council a Holiday a pawm dinga thei tawp suoa lo nawr suoktu - Rev. Lunginthang,Pastor H.V Sunga, Pu Lalthlamuong Hrangchal, Pu Lalhumlien Songate, Pu (L) Hlingsuo, Pu Rokunglien Songate, Pu N. Ngente, Pu Romawi Sungte, Pu Lalhmarthang Tuolor, Pu Sumsanglien Faihriem, L.R Joute, D. Faihriem, L.K Thiek le L.C. Neitham hai khawm chawimawina inhlan an nih.

Hi baka hin Literature tieng- (L) Dr. HS. Thanglung , (L) Pastor H.L Sela, (L) Dr. Lalnghawrlien, Pu SN Ngurte (Hmar Literature Society,College le University a MIL Hmar lo suoldawktu), Pu Vanlalngen Joute (Hmar Literature Cachar, Assam a MIL lo suoldawktu le bulsutu), Pu Thangnuntluong Ralsun (Hmar Tawng damna dinga hma latu le Fuonder Chairman, Hmar MIL Monitoring Committee) le Pu S.K Khawbung (Assam a Hmar MIL Monitoring Committee a bulsutu le tantu) hai chu hi huna hin Joint Sikpui Ruoi Central Committee chun chawimawina an inhlan tawl.

Sikpui Ruoi 2016 hmang ani huna hin Tuolpui HAS Cultural Troupe han Hnam lam mawi tak tak el- ‘Salu Lam,Sikpui Lam le Pheiphit Lam ‘ inentirna hun an nei a,mipui mit a tlei hle. Huonveng HAS Unit han Fahrel Tawk Lam mawi tak el an inentir bakah unau Thadou Cultural Troupe han an Hnam Lam hmu nuom um tak tak an inentir bawk.

Diphu Sikpui Ruoi 2016 hmang huna HAA members- Nk. Hossanmawi Songate, Nk. Valentina Tusing,Nk. Lyn Varte,Tv. Eljay Ngaite,Tv. Vincent Hekte, Pu Lien Shakum, Tv. Lalnunthar Zate, Tv. Lalsanglien Zote, Nk.Rose Riengsete, Nk. Jessie Intoate, Nk. Kimi Ralsun, Nk. Grazilla Zote, Nk. Amanda Lalhlimpuii, Pi Nienglawmkim Sungte le ASAP Band (Halflong) han hai hla mawi tak tak sakin mipui fekhawm hai an inawi.Zan huna hin Hla Ruoi hmang a ni a. Hun kar lakah Pu Ngamrothang, Ex- Chairman, NCHAC, Pu LT Hmar, HPC(D) (Acting Chairman), Pi Thangthatling Sinate, President,HYA Imphal Jt. Hqtrs han thuhrilna hun an hmang.

Diphu Sikpui Ruoi 2016 hmang huna hin Hmar hnam sunga Orgnisation tum tum a thuoituihai an kim tlang hle a. New Delhi, Pune,Mizoram,Guwahati, Meghalaya,Tripura,Cachar, NC Hills, Nagaland le Manipur anthawk Hmar nauhai thahnem tawk takel fekhawmin, Diphu Sikpui Ruoi 2016 chu hlim tlang takin an hmang.



Post a Comment

Powered by Blogger.