Responsive Ad Slot

'Hrietthiem Zai' Music Video Album tlangzar

Monday, December 12, 2016

/ Published by VIRTHLI
CCPur, December 12, 2016, Virthli (ONP): Hun sawt taka inthawka Tv Vincent Hekte in a buotsei Music video Album 'Hrietthiem Zai' chu december 12,2016 dar 3;00pm khan LJ Memorial Hall,JJ Plaza,Rengkai Road hmunah tlangzar a nih.

Hi huna hin Pu Lalvullien,President,HAA in lawmlutna thucha a hril a. Pu James Songrolal Songate in album review na a nei.


Pu Paukhansuan Khuptong,MLA intending candidate 58 A/C,Churachandpur-in Album hi  tlangzarna a nei.Pu Paukhansuan chun a album hming 'Hrietthiem zai'a ni ang bawkin thanghlui hai thlak a hun ta a,thangthar han hma thoui a hun ta na na maw,chu ding chun  hriet thiem zai rel ei tiu.

Ei rama hin album siem na kawnga le thil dang hrim hrima hai marketing tieng harsatna ei tuok hlak thu,ama ngei ngei khawm 'Tongluang'(Monthly magazine) a Editor sin a chel lailai harsatna tamtak a tuok ve thu,Vincent Hekte khawma harsatna tuok mei a tih,nisien la khawm lung hnuol lova hma la zawm pei dingin ditsakna insangtak an hlan thu a hril.

Album inhlanna Pu PC Lalrawngbawl-in a nei a,hun kar lakah Nk.Lydia Huolngo,Christina Shakum,Vincent Hekte,Lien Shakum le RV Zote han hla sakin mipui fekhawm hai an inawi.
Hi album  buotsei ani huna lo thangpui tuhai Vicent Hekte in chawimawina memento an hlan tawl seng a ,lawmthu hrilna hun Pu David Buhril in a nei bawk. Tv Vincent Hekte hi hlasak chau a thiem nawa,lam khawm a thiem em em, Kum 2014 khan 'Mr. Dance World' ti title latu a ni bakah,North-east Got Talent ah finalist chen  a lo kai phak a nih.

Hi album music video a hin hla 7 lai a um a.Tv. Vincent Hekte chun a album ngaina taka lo inchaw diel diel dingin mitin a fiel bawk a nih.
Don't Miss
© all rights reserved
made with by Simon L Infimate