CCPUR, November 19, 2016, Virthli (ONP): Manipur State Level Sikpui Ruoi 2016 Organizing Committee chun Nov. 19, 2016 sun khan Hmar Secretariat, HSA Campus, Rengkai, CCPur hmun ah State Level Sikpui Ruoi Dec. 13, 2016 sun le zan hun haia Saikot Playground, CCPur hmuna hmangna ding le inzawmin meeting an nei a, hi huna hin programme induong felna neiin, hmalak pei dan ding hai an hriltlang a. Chun, hi huna hin Hmar khuo tina Sikpui Ruoi le inzawma sum khawn dan ding chungchang an hriltlang a, in tin ah cheng 100/-, Gazette Officer cheng 3,000/- le II - IV Grade Employee hai chu cheng 1,000/- chen bituk dingin an rel. Hi le inzawm hin Hmar khuo tina țhuoituhai chu inhmupuina la nei an tih. Sum seng dinga riruong chu cheng 15.8 Lakhs a nih. Hi meeting zo hin Sikpui Ruoi huoihawtna hmun ding chu a hmun ngei ah fein enfelna le thil thaw dan ding hai ngaituo tlangna an nei bawk.
Programme induong dan chun Dec. 13 Sun huna chun Chief Guest in Pu Lalbiakzuala, President, CYMA; Guest of Honour in Lalsangzuala Ngente, President; MZP GHQ, Functional President in Hmar Inpui GHQ tienga mi le Sikpui-Pa dingin Pu H.K. Joute, Hmar Inpui GHQ President hmasatak ning a ta, Zan huna chun Chief Guest in Pu O. Nabakishore IAS, Chief Secy., Govt. of Manipur, Guest of Honour in Pu (Dr.) Seilen Haokip, Spokeperson, KNO le Pu Calvin H. Convenor, UPF hai pahni ning an ta, Functional President in Pu L.T. Hmar, Working Chairman, HPC-D ning a ta, hi Sikpui Ruoi huna hin Sikpui Lam, Traditional Fashion Parade, Cultural Show, 1000 Voice Choir, Manipur le Mizoram ainthawk Top Artiste haiin rimawi le hla'n mipui in awi an ta, thu țha tak tak ngaithlak ning a ta, item chi tum tum mipui hmaah suklang ning a tih, tiin Information & Publicity Dept. chun an hril. Hi huna thupui ding chu-"Festival of Brotherhood: Back to the Roots" ti ning a tih. Hi Sikpui Ruoi ding le inzawma sum-le-pai le thil dang dang haia țhangpuina petuhai kuomah huoihawttuhai chun lawmthu an hril a. Hi hun remchanga hmanga Advertisement thaw nuom-tu hai khawmin thaw thei a ni ding thu Information & Publicity Dept. chun an hril bawk.
Programme induong dan chun Dec. 13 Sun huna chun Chief Guest in Pu Lalbiakzuala, President, CYMA; Guest of Honour in Lalsangzuala Ngente, President; MZP GHQ, Functional President in Hmar Inpui GHQ tienga mi le Sikpui-Pa dingin Pu H.K. Joute, Hmar Inpui GHQ President hmasatak ning a ta, Zan huna chun Chief Guest in Pu O. Nabakishore IAS, Chief Secy., Govt. of Manipur, Guest of Honour in Pu (Dr.) Seilen Haokip, Spokeperson, KNO le Pu Calvin H. Convenor, UPF hai pahni ning an ta, Functional President in Pu L.T. Hmar, Working Chairman, HPC-D ning a ta, hi Sikpui Ruoi huna hin Sikpui Lam, Traditional Fashion Parade, Cultural Show, 1000 Voice Choir, Manipur le Mizoram ainthawk Top Artiste haiin rimawi le hla'n mipui in awi an ta, thu țha tak tak ngaithlak ning a ta, item chi tum tum mipui hmaah suklang ning a tih, tiin Information & Publicity Dept. chun an hril. Hi huna thupui ding chu-"Festival of Brotherhood: Back to the Roots" ti ning a tih. Hi Sikpui Ruoi ding le inzawma sum-le-pai le thil dang dang haia țhangpuina petuhai kuomah huoihawttuhai chun lawmthu an hril a. Hi hun remchanga hmanga Advertisement thaw nuom-tu hai khawmin thaw thei a ni ding thu Information & Publicity Dept. chun an hril bawk.
