Office of the
SAIKOT SUB DIVISION DEMAND COMMITTEE
Saikot, Churachandpur, Manipur

PRESS RELEASE

14th November, 2016

Tuithaphai- Saikot: 14th November, 2016 , zingkar dar 7:oo am khan HYA Saikot Branch Office ah, print media le Electronic media, Demand Area sunga Village Authority hai, Student bodies, women wings, Youth wings,Saikot Ladies Association, Saikot Youth Club, HYA,YMA,HSA,MZP, Saikot Defence Party le Social leaders SSDC, Executive Committee members, hmaah Order No. 25/13/2012/MCS/DP dungzuiin Saikot SDO hmasatak ni dingin Pi Lalthazam, MCS chu Date 11 November, 2016 khan Deparment- Personel Division chun order a lo insuo ta a nih ti Pu Timothy Z. Zote, Chairman, Saikot Sub Division Demand Committee chun lawmna mittui leh ropui takin tlangzarna a nei zovin mipuiin lawmna leiin kut nasa taka ben a nih.

Hi hun hmangna hi Upa H.T. Kima, Secretary, Saikot Village Authority-in tawngtaina hun a hmang a, report , Chairman, SSDC in report a pek. Fiela um hai, Rev. Joseph D. Hmar, Former Vice President, Hmar Inpui, Pu Lalrohlun Hrangchal, Secy. Muolvaiphei Village Authority le mi dang dangin thuhrilna hun an hmang bakah hnukul raka lawmtu tamtak an um bawk.

Lawmthu: Hi SDO Posting Order suokna dinga Demand Committee ngenna ngaipawimaw Pu Okram Ibobi Singh, Hon’ble, Chief Minister, Manipur bakah Committee-in a thaw thei bak nasa taka lo nawrpuitu Pu Dr. Chaltonlien Amo, MLA, Chairman, Hills Area Committee, Manipur kuomah Saikot SDO Demand Area mipui aiin Committee chun lawmthu a hril a. Thangpui kan tul lai, kan tap- inrum laia, kan beidawngna le kan harsatna mi en liem el lova, a theina bakah hmangaina leia, a mi thangpuina hi biel mipui haiin hre seng ei tiu. Hieng ang a, mi ditsaktu le mi thangpuitu hi, iengtiklai khawm biel mipui hai hin theinghil ngai naw nih ti Committee chun a puong bawk a nih. A hma tieng peiah ditsakna insak tak inhlan a ni bawk. Pu T.N. Haokip, Concern MLA –in moral support a mi pek lei khawmin lawmthu ei hril bawk a nih.


Chun, hieng ang posting order a hung um vatna dinga, tawngtainaa lo santu hai- Kohran hran hran, Biel
mipui, Lal, Authority, Saikot Village Authority, Muolvaiphei Village Authority le mimal thahnemngai popo kuomah khan lawmthu committee chun a hril takzet a nih.


Chun, reception programme ropui tak hmang tum a ni leiin, biel mipui, Lal le Authority po po, program
siem hunah full support lo pe dingin inza takin ngen le inhriettir nghal a ni bawk.

Saikot Sub Divion Demand Committee chun, demand hmalaknaah, thahnem ngai leia mi lung natna, tawng le harsatna siem pal a lo um thei a. Chuleiin, lo hrethhiem dingin, Committee chun a ngen takzet a. Hmatieng peiah, Sub Division ngaisangum, entawntlak, changkang tak nina dinga thurawn le ngaidan tha pe dingin committee chun ngenna a siem nghal bawk a nih.


Saikot Sub Devision pieng le inzawm hin, mimal ropui naw sien, Pathien ropui tak lem raw seh.


Sd/-

(Timothy Z. Zote)
Chairman
(R. Lalkaisanga)
Secretary

Post a Comment

Powered by Blogger.