CCPur, November 12, 2016:  Manipur State Level Sikpui Ruoi 2016 Dec. 13, 2016 a Saikot, CCPur hmuna hmangna ding le inzawma inbuotsaina chu a fe mek a. Nov. 12, 2016 khan Organizing Committee chun meeting HSA Hostel, Rengkai, CCPur hmunah Pu Joseph R. Hmar, Convenor  le Tv Alan Famhoite, Secretary (Administration) hai inrawina hnuoiah nei ani a, hi huna hin hi le inzawma chanvo (work allotment) siemfel le programme tlangpui induong a nih. Sun huna chun Sikpui Pa dingin Pu H.K. Joute, 1st President, Hmar Inpui, Gen. Hqrs. (Hmar Supreme House), Chief Guest in Pu Lalbiakzuala, President, Central YMA le Guest of Honour in Pu Lalsangzula Ngente, President, MZP Gen. Hqrs. hai hmang ning an ta. Zan huna khawm programme hmang ning a ta. Boxer inlar tak le MP (Rajya Sabha) Pi MC Mary Kom chu zana hunah Chief Guest dinga beisei a ni thu Information & Publicity Department chun an hril.


Hi huna hin Traditional Fashion Parade, Cultural items le Choir, Solo le item chi tum tum a um ding thu an hril bawk. Hi Manipur State Level Sikpui Ruoi 2016 thupuiin “Festival of Brotherhood: Back to the roots” ti ning a tih. Hi huna hin Mizoram a inthawk khawmin hlasak thiem an hung ding niin huoihawttuhai chun an hrilsa bawk.






Post a Comment

Powered by Blogger.