Tuolpui, November 11, 2016, Virthli (ONP): Vawizan khan HSA NC Hills & Karbi Anglong hnuoia HSA Tuolpui Unit chun HSA Day 2016 ni a pieng naute hming a sak. A hminga hin HSA Unit thuoitu hai chun H. HMINGTHANGMAWI an sak a nih. Ram le Hnam, Kohran le khawtlang, insung le Pathien rama Hming hungin thang mawi pei dingin ditsakna an inhlan baka lawmna thilpek an inhlan bawk a nih. HSA Tuolpui Unit hin khuosunga  HSA Day a pieng mi pathum lai (tuta mi hi tiemin) an hming alo sak ta a nih.

Chuong hai chu-
1. Tv. H. Ramhmathuoi (Kum 22) S/o Pu Lalte Khawbung
2. Np. H. Zirsangkim Pudaite (Kum 11) D/o Pu Thlira Pudaite
3. Np. H. Hmingthangmawi (1 Month) D/o Pu Nathan Khawbung
nih.

An hming hma a "H" um hai hi Hmar/ Hmar Students' Association (HSA)  tina a nih.

Tv. H Ramhmathuoi hi Pu Lalte Khawbung a naupa ani a, Np. H. Hmingthangmawi hi a tunu a ni nawk bawk a nih. An insunga hin HSA Day ni a pieng mi pahni le HSA hming sak pahni an nei ve hi malsawmna chungchuong Pathienin a vur niin a lawmthu Pu Lalte hin a hril.

Pu Lalte hai sungkuo hi Kohran, Khawtlang le Hnama inhnikmi le inpezo em em mi anni a, ama hi Tuolpui HYA Unit President nilai zing ani bawk. HSA a ngaihlutna le a naupa le a tunu hming sak dinga ditsakna vochuom HSA vawi hni lai zet an hlan el hi inchik thlak tak ani a, HSA Tuolpui Unit chun a lawm tazet zet a nih.

Pic: Pu Lalte & Family

Post a Comment

Powered by Blogger.