Ei Chanchinbu Hmasawnna Thar chu a phek suklien le belsain Web Offset machine hmanga hung insuo a ni ta leiin sum seng a dabawl leiin a hmaa thla khat lakman Rs. 100/- ni hlak kha November, 2016 a inthawk chun thla khatah Rs. 180/- a hung ni ta ding a nih. Chun, ni danga Thawṭanni issue um lo kha tuta inthawk chun Thawṭanni issue khawm a um zie ta ding a nih. Chanchinbu buotsaina dinga sum seng a hung dabawl leiin a lakman hi sukpung lo thei lo a nih ti hi latu le tiemtu han mi lo hrietthiempui hram hram dingin ka hung ngen cheu.

Mihai Chanchinbu man nekin a man iengleia a tam lem am ei ti el thei. A san bulpui tak chu mihai chu an khawl hmanga sut an ni a, ei ni ruok chu a sut man pe a, mi khawl hmanga sut ei ni lei a nih. Mihai neka a man a tam lemna hi Re 1 chau a nih. Midanghai Chanchinbu man copy khatah Rs. 5/- a ni a, ei ni chanchinbu man chu a sut man a ṭhangsa leiin Rs. 6/- a hung ni a ṭul a nih.

Thangko Column sunzawm pei a ni ding an leiin, mithi neihai chun mithi hming, a kum zat, nu le pa hming, thina san, address, vui ni le hun ding hung hril unla insuo pei ning a tih.

Sd/-
Lalmalsawm Sellate
Editor & Publisher
Hmasawnna Thar


Post a Comment

Powered by Blogger.