Patpuihmun, October 30, 2016, Virthli (ONP): Zâni (Oct.29, 2016) zântieng dar 2:30 PM vêl khan Vangaitlângah thlipui natakin a hrânga, tuchena chanchin ei hriet dânin Patpuihmun, Ngampabung, Thingkalh Zâu (Lo) a bu le thlai hai a mut thluk nasa hle a, Buin le Țuhai khawm a mut siet tâwl bawk a nih. A bîk takin Thingkalh Zâu hi a mut siet nasa bîka, Si, Bething, Zeupuok le Thingkâwlkâihai chenin a mut thluk vawng a nih. Chanchin ei hriet thei china chu Țu khawm 15 lâi zet a mût siet a, Buin khawm 10 lai zet a mut siet bawk. Chun, Ngampabung khuo a khawm In mut siet a nei thu dawng a nih. (input: Jehova L Varte)
