CCPur, Oct. 23, 2016; Virthli (ONP): Tulai hnaia UPF-KNO le Sawrkar thlungpui inbiekna le hmalakna chu a hrat nawk zuol beiseina leiin Manipur a Tribe tum tum a Inpui țhuoitu hieng Hmar Inpui, Zomi Council, Thadou Innpi le Tribe leaders țhenkhat hai chu UPF le KNO fielna angin inbiekna ah Pressure Group in an țhang.


Anni hai hin New Delhi a an cham sungin Central leaderhai iemani zat inhmupuiin Sawrkarin UPF le KNO hai thil ngen a sukpuitling vat theina dingin Memorandum an pek a. Hi memorandum a hin Hmar Inpui, Thadou Inpi, Vaiphei Peoples Council, Paite Tribe Council, United Zo Orgnisation, Simte Tribe Council, Thangkhal Peoples Orgnisation, Mate Tribe Council, Kom Union le Gangte Tribe Council a President le Secretary haiin hming an sign. Hi inbiekna Pressure group a zu țhang hnam țhuoitu hai hin Central a BJP leaders le MP iemani zat an in hmupui bawk.

KNO-UPF le India sawrkar inbiek mekna a Pressure group a zu țhang, hnam țhuoitu țhenkhat Inpui Team a mi ei hriet thei hai chu Pu Francis Songate, Gen Secy, Hmar Inpui, Pu Khamneithang Vaiphei, Gen Secy. Zomi Council, Pu Haokam Kipgen, Gen Secy, Thadou Innpi, Gen Hqtrs. le Pu John K Ngaihte, Gen Secy, Paite Tribe Council hai an nih. Anni Inpui Team hai hi Hmar Inpui GHQ (Hmar Supreme House) a Gen. Secy. Pu Francis Songate in Inpui Team Leader niin an rawi a nih.

Post a Comment

Powered by Blogger.