Responsive Ad Slot

Saiphai PMS Girls' Hostel hawngna hun hmang a nih

Tuesday, October 25, 2016

/ Published by VIRTHLI
Saiphai, October 25, 2016, Virthli (ONP): Just Let Me Learn Foundation, USA hai donate-na a Saiphai PMS English High School Girls' Hostel nuoi 18 vel senga bawl chu vawisun khan hawngna hun hmang a nih. Hi hostel bawlna dinga sum le pai popo tumtu Just Let me Learn Foundation hi Pi Sandy Nelson le a naupa Dean Nelson hai indin niin, Saiphaia tho hin School building ropuitak el kum 2014 khan an lo bawl tah bawk a nih.


Hi huna hin Rev. John L. Pudaite, President, Bibles for the World le Rev. Rohminglien Pakhuongte, Vice President, (Education) PMS haiin an hung hmangpui a, vangduoithlak takin hawngna hun hmangtu dinga hung Pi Sandy Nelson hi Calcutta Airport an hung tlungin khawhrelovin a tlu thut a, Apollo Hospital ah admit nghal niin ICU ah sie in observation thaw nghal ani a, a naupa in Girls' Hostel hawngna hun hi a hmang lem tah a nih.

Hi huna hin PMS students haiin item ropui le mawi tak tak show an nei a, tukum hin students 661 le thawktu 22 lai um in naupang tamtak hai hi Muslim le Hindu an nih. Hi school hi Saiphai le a khaw sevel, Mauchar, Saipum, Chawnpui, Bilkhawthlir le Vairengte le Phainuam hai ta dinga inchukna hmun pawimaw tak el ani a, Pathien zarin School building le Hostel building thatawk tak nei theia an um hi lawm a um takzet. Hostel building hi Girls le Boys Hostel pahni veve bawl dinga hma lak nawk mek a nih.

Don't Miss
© all rights reserved
made with by Simon L Infimate