CCPur, October 3, 2016, Virthli (ONP): (L) Pi Lalhmasuon Joute hrietzingna dinga bawl a um, Lalhmasuon Joute Memorial Hall chu vawizan khan JJ Plaza, Rengkai hmunah Mrs.Dr. Lalrimawi Pudaite, Co-Founder & Global Ambassador Bibles for the World, USA in a hawng. Rev. Jessai L Neitham, Presbytery Superintendent, EFCI Saikawt Presbytery in Pastoral Blessing hun a nei a, Rev. Fimthasang Infimate in Pathien kuomah Hall inhlanna hun a hmang. Hun kar lakah James K Pakhuongte le Nk. Mami Sinate haiin hla mawi tak tak el sakin mipui fekhawm hai an inawi.
Hi Hall hawngtu Dr. Lalrimawi Pudaite in thuhrilna a nei huna chun (L) Pi Lalhmasuon Joute chu mi tlawmngai, remna siemtu, mi huoisen, nuhmei tha le Kohrana mi thahnemngai a ni thu a hril a. (L) Pi Lalhmasuon Joute nun a'nthawk inchuk ding a tam zie hai hrilin , Pi Lalhmasuon a ngaituo pha Pathien kuomah lawmthu a hril hlak thu hai a hril.
Pu JC Chongkholien, Chief of Rengkai khawma thuhrilna hun neiin, Pi Lalhmasuon Joute chu khawtlang le politics a a tangkai zie hai a hrila, a tumru zie le a tuorsel zie hai hrilin a Memorial Hall hawng theia a um chu lawmum a ti thu a hril.
Hi Hall hawngtu Dr. Lalrimawi Pudaite in thuhrilna a nei huna chun (L) Pi Lalhmasuon Joute chu mi tlawmngai, remna siemtu, mi huoisen, nuhmei tha le Kohrana mi thahnemngai a ni thu a hril a. (L) Pi Lalhmasuon Joute nun a'nthawk inchuk ding a tam zie hai hrilin , Pi Lalhmasuon a ngaituo pha Pathien kuomah lawmthu a hril hlak thu hai a hril.
Pu JC Chongkholien, Chief of Rengkai khawma thuhrilna hun neiin, Pi Lalhmasuon Joute chu khawtlang le politics a a tangkai zie hai a hrila, a tumru zie le a tuorsel zie hai hrilin a Memorial Hall hawng theia a um chu lawmum a ti thu a hril.
Pu Jousanghlei Joute, (L) Pi Lalhmasuon Joute a pasal in thuhrilna a nei huna chun a nuhmei chu mi biek a rin ngainaw zie, a hrietnaw hai chu indawn rin a nei naw zie le sumdawng mi tak el ani thu a hril a. Diplomacy thiem tak el ani zie hai a hril sa bawk. Pu Jousanghlei chun a naupa Joseph R Joute in a nu hrietzingna dinga Memorial Hall bawl a rawt chu an hnikzawng ani thu le hi Hall hi thalai tam tak el fesuol mek haiin ruithei thil hai laka an insiefihlima an hunawl nei huna hai hi Hall hi an hmang tangkai ngei a beisei thu hai a hril.
Hi huna hung thang ve Pi Lalramsang Amo chun Pi Lalhmasuon Joute chu ruol ringum le mi inpezo, kawng iengkimah thurawn pe hlaktu ani zie hai a hril.
Tv. Joseph R Joute chun hi huna hin a nu Memorial Hall bawl ani sunga an theina senga lo thangpuitu hai chungah lawmthu a hril a, Rengkai Lal in a khawsunga phal taka a nu Memorial Hall bawl ding a phal pekna le iengtiklai khawma thurawn tha a pek hlak chu lawmum a ti thu a hril. A pieng hlima inthawka nu in Pathien rawngbawl dinga a lo inhlan tah thu a hril a, a nu in a thi hnunga a Memorial siem dinga a hril thu le a nu Memorial Hall hawng hunser hmang dinga hungkhawm mipui hai chungah lawmthu ursun takin a hril.
Hi hall hawngna hunser hi Politician, Kohran thuoitu, Hnam thuoitu le ngainatu thahnem tawk takin an uop. Hi hall a hin badminton court um ata, seminar, workshop hai neina ding khawma hmang thei ani ding a nih.
