Shillong, October 19, Virthli (ONP): United Nations (UN) chun India hmarsakah UN University indin ani ding thu a tarlang. UN hnuoia hin Global University pakhat char Tokyo, Japan ramah indin ala nih.

UN University a pahnina ding indin ani theina ding hin UN, India sawrkar le India Federation of UN Associations hai chun inremna anlo ziek fel tah a nih.


UN University hi kum 2017 a indin hman le function hman dinga beisei a ni a. Hi University hi indin a ni hnunga chu khawvel hmun hrang hrang anthawka inchuklai hai an kai thei ding a nih. UNESCO Association Secretary General Dr. Aswini Sharma chun, "Global University a hin course chihrang hrang hieng arts stream, social sciences, management, science le technology a hai Graduate, Post-Graduate le Scholar chen inchuk thei ani ding thu a hril.

Hi University indinna ding hmun hi thlang fel ala ni nawa, Assam khawpui Guwahati annawleh Meghalaya khawpui Shillong ah indin ani ding a nih. Assam sawrkar le Meghalaya sawrkar hai kuoma hi University indinna ding hin ram acre 20 a chin lo hnina siem a ni taa, Meghalaya sawrkar chun Shillong-ah indin ngei a ni thei na dingin an hawng zau hlea, Assam sawrkar in ram a pek hma ngeia pek an tum. Hienglai zing hin Assam sawrkar chun Guwahati-ah indin a ni thei na dingin hma ala ve mek bawk a nih. UNESCO official hai chun, UN University indinna ding hmun suk fel ala ni nawa, Assam ah annawleh Meghalaya ah a remchang na lem lem ah indin ning a tih tiin a hmun thlangfel ala ni naw thu le inzawmin an hril.

Post a Comment

Powered by Blogger.