Aizawl, October 02, 2016, Virthli (ONP): HSA General Headquarters a President Tv. Rothanglien Khawbung S/o Thangtinkhum chu hung tlung ding October 12, 2016 hin Nk. Dr. Laltharzeli Fanai@Tharte-i D/o F Zatawna leh Kohran dan in Art & Culture Auditorium, Berawtlang, Aizawl hmuna kut insuina nei an tih. Hi kut insuina hi EFCI Pastor Rev. Sangneikhum in an nei tir ding a nih.

Hi huna hin a thawpui HSA JHQs a thuoitu, GHQ a thuoitu, HYA, Hmar Inpui le hnam sunga pawl dang dang a thuoitu haiin an uop ding bakah politician thenkhat haiin an hung uop ve ding thu dawng ani bawk a nih.


Innei zo huna hin Mizoram a hlasakthiem inlar tak tak hieng Rintea (albatross), C Sanga, Zoramchhani, DJ Lalvenhimi le Feli Fanai haiin hla sak an ta, Siel a var ngei thatin ruoi the ni bawk a tih.

Tv. Rothanglien Khawbung hi tuhin AO, Accountant General, niin Aizawl hmuna a thawk meka, a nuhmei ding Dr. Tharte-i hi Specialist‎ ‎Gynaecology niin Mizoram sawrkar hnuoia thawkin Serchhip hmuna posting mek a nih.

Post a Comment

Powered by Blogger.