Responsive Ad Slot

HSA NC Hills & Karbi Anglong JHQ in Golden Jubilee ropui taka lawm an tum

Tuesday, October 25, 2016

/ Published by VIRTHLI
Muolhoi, October 25, 2016, Virthli (ONP): Hmar Students' Association (HSA) NC Hills & Karbi Anglong Joint Headquarters chun hung tlung ding 26th-28th Oct. 2016 hin HSA NC Hills & Karbi Anglong JHQ kum 50 tlingna (Golden Jubilee) chu ropui taka lawm dingin an insingsa mup mup zing a. Hi Golden Jubilee lawmna hi Upa J.L. Buongpui Memorial Hall le Muolhoi Public Ground, Haflong haiah hmang ning ata, hi huna Chief Guest ding chu Shri. Debolal Gorlosa, Chief Executive Member, NCHAC ning ata, Guest of Honour in Shri. Tuliram Ronghang, Hon'ble CEM, KAAC, Shri Laltlansang Hmar EM, NCHAC le Shri. Rothanglien Khawbung, President, HSA GHQ hai hmang ning an tih. Chief Host in Shri. Rohminglien Buhril, IFS le Shri Thanghlun Hmar, IRS hai ning an ta, Functional President in Shri . Ngamrothang Hmar, MAC, NCHAC ning a tih.

Hi Golden Jubilee lawmna hi ni 3 sunga dingin prokram riruong ani a, hi hun sung hin HSA NC Hills & karbi Anglong JHQ thuoitu fam lo chang tah hai sunna le ala dam mek hai chawimawina inhlanna hai nei ning ata, inchukna tienga thawtha zuol hai chawimawina, Golden Jubilee lung phumna, Golden Jubilee Souvenir tlangzarna, Golden Jubilee Dar vuokna, Golden Jubilee Miss thlangna, English-Hmar Dictionary tlangzarna, Lucky Draw, Cultural dance, rimawi tieng pang le a dang dang hai um a tih.

HSA NC Hills & Karbi Anglong JHQ chun hi Golden Jubilee lawmna a thang dingin mitin fielna an siem nghal bawk a nih.




Don't Miss
© all rights reserved
made with by Simon L Infimate