Aizawl, 4 October, 2016, Virthli (ONP): Mizoram sawrkar le inremna zawnga inbie mek HPC (D) palai mi 6 hai chu Mizoram sawrkar leh inbiek vawihnina (2nd round of talks) nei dingin vawisun khan Aizawl an hung tlung.

Aizawl an hung tlung hnung hin HPC(D) palai hai chun tuta Aizawl central jail-a intang mek HPC(D) Army Chief Lalropui Famhoite le HPC(D) sipai hai an inhmu puia, inbiekna le inzawmin hohlim tlangna an nei pui bawk.

Pu Lalthalien in Virthli palai a hril danin HPC(D) palai ding hin mi 6 thlang suok an nia. Ama Pu Lalthalien bakah, Mizoram le Manipur anthawkin mi 5 hieng  Dr. John Pulamte, Hmar Inpui President hlui; Pu Lalthlamuana Hmar, Hmar Students’ Association Assembly Speaker; Pu David Buhril, Human right activist; Pu Lalmalsawma Darngawn, SHDC chairman hlui le Pu Thanglianchhunga hai an nih.

Zing tarik 5 October khin State Guest House, Chaltlang, Aizawl-ah chawhma dar 11 leh inbiekna hi tan ning a tih, ti’n Pu Lalthalien chun Virthli a hril.

Post a Comment

Powered by Blogger.