CCPur, Oct. 17, 2016; Virthli (ONP): Tv. Emmanuel Lalruotfel Pathien-in hla a i pek hai, Gospel Music Video Album "A Ram Dan An Dang Leiin" ti thupui a hmanga buotsai a um chu hungtlung ding Oct. 23, 2016 sun dar 1:00 PM hin EFCI Biekin, Khawmawi, CCPur ah Pathien in rem a ti chun Releasing programme nei ning a tih. Hi Release programme a țhang seng ding hin Virthli group member hai Tv. Emmanuel chun ngaina takin a fiel. Release-na hun ah Rs. 100/- a zawr ning a ta, hun dang haia chun Rs. 150/- Per Copy a zawr a ni ding a nih. Release-tu ding chu Pi Jami Darngawn ning a ta, hi huna hin hi Gospel Music Video Album a Singers ha'n hla sak bawk an tih. Hieng anga album siem ding hin mang khawma ka lo la mang lo, Pathien le ruolțha hai zar lieu lieu a kan siem thei a nih tiin a lawm zie thu Tv. Emmanuel chun Virthli Online News Portal a hril.
Tv. Emmanuel Lalruotfel hi Trinity College & Seminary, Sielmat, CCPur (Manipur) hmun ah M. Div III Yrs inchûklai mek a ni a. A thei ang angin hmun dang dang a hai Pathien rawngbawlna neiin, state dang dang a hai khawm Pathien rawngbawl dinga fiel a lo ni tah hlak a nih. Chun, College chawl sung camp le crusade a hai speaker in a țhang ve hlak a, Manipur a Anti-Tribal Bills leia Tribal Movement leia Churachandpur buoi vanglai khawm khan țawngțai pawl hai fielna dawnin Pathien thu hrilna hun dam District Hospital tuolzawl a hai pek a lo ni tah nghe nghe a nih.
Hi album release-na ding programme le Tv. Emmanuel a tading hin Pathien kuoma ei țawngțaina a hai lo san ei tiu. Chun, hi Gospel Music Video Album Trailer chu mi tam tak lo beisei a ni ding hrie zing inla khawm la siem zo lo a ni leiin ei la hung upload thei naw a nih.
Hla um zat: 10
Singers : Nk. Jennifer Nianglawmkim, Nk. Herlyn, Nk. Maria & Nk. Alice
Music & Vocal Recording : Doh Doh Sounds, Vision Recording Studio, WAVE Rengkai
Musician, Videography & Editing, Shooting Location, Producer etc ti hai chu a video i en huna i la hriet ding ah sie el tang ei tih.
Tv. Emmanuel Lalruotfel hi Trinity College & Seminary, Sielmat, CCPur (Manipur) hmun ah M. Div III Yrs inchûklai mek a ni a. A thei ang angin hmun dang dang a hai Pathien rawngbawlna neiin, state dang dang a hai khawm Pathien rawngbawl dinga fiel a lo ni tah hlak a nih. Chun, College chawl sung camp le crusade a hai speaker in a țhang ve hlak a, Manipur a Anti-Tribal Bills leia Tribal Movement leia Churachandpur buoi vanglai khawm khan țawngțai pawl hai fielna dawnin Pathien thu hrilna hun dam District Hospital tuolzawl a hai pek a lo ni tah nghe nghe a nih.
Hi album release-na ding programme le Tv. Emmanuel a tading hin Pathien kuoma ei țawngțaina a hai lo san ei tiu. Chun, hi Gospel Music Video Album Trailer chu mi tam tak lo beisei a ni ding hrie zing inla khawm la siem zo lo a ni leiin ei la hung upload thei naw a nih.
Hla um zat: 10
Singers : Nk. Jennifer Nianglawmkim, Nk. Herlyn, Nk. Maria & Nk. Alice
Music & Vocal Recording : Doh Doh Sounds, Vision Recording Studio, WAVE Rengkai
Musician, Videography & Editing, Shooting Location, Producer etc ti hai chu a video i en huna i la hriet ding ah sie el tang ei tih.
