CCPUR: Oct. 4, 2016 dar 11:30 am khan Hmar Inpui GHQ Executive Body Meeting chu VTI, Rengkai, CCPur hmun ah nei a ni a, hi huna hin Agenda dang dang uluk taka ngaituo a ni hnungin resolution passed hai lai Manipur State Level a Sikpui Ruoi 2016 Dec. 13, 2016 a Saikot a inser ding chu an hrietpui a, hlawtling taka hmang a ni ngei theina dingin ditsakna an inhlan bakah Organising Committee chu thuneina an pek. HI 8th Assembly Feb. 12 & 13, 2016 huna Agenda 3 & Resolution a khawm Hmar hnam nunphung (culture) vawngzingna le suk hmasawnna dingin Sikpui Ruoi hi Hmar khuotin annaw khawma Regional Headquarters a hai bek inser/hmang a ni theina dingin Hmar Inpui (Headquarters le Regional Headquarters) haiin hma la raw se. tia lo rel ta sa a nih. Hun remchang hmasatak ah HI Executive Council ko dingin Assembly Speaker ngen tha an ti tlang a. Manipur a JCILPS Fresh Draft Bill le inzawmin Hmar Inpui aiawa hma lo laa, lo enfel le Manipur sawrkar a thaw tulhai lo bawzui dingin Convenor Tv. LRS Puruolte, Members dingin Pu Albert Thangthasiem, Dr. Lalkhawlien Pulamte, Nk. Margareth Tryte le Pu Joseph Joute hai an ruot bawk.

Chun, Manipur State Level a Sikpui Ruoi 2016 hmangna ding le inzawma insingsatna chu a fe mek a. Co-ordination Committee Oct. 1, 2016 ni a indin a um chun 2nd Meeting Oct. 4, 2016 zantieng dar 4 pm khan Rengkai hmun ah an nei a, hi hun a hin Organising Committee hming ding an sukfel a, chanvo ruokchu meeting committee nawk hun ah sukfel dingin an la sie. A ni le hmun ding chu an sukfel bakah hi hun a hin Chief Guest in President, CYMA le Guest of Honour in President, MZP GHQ hai an sukthluk a. Anni tieng khawm biekpaw nghal an ni a, rem an lo ti a nih. Sikpui Pa ding ruokchu a zaia la ngaituo dingin an sie. Programme khawm a phuithu ang taka Hmar Culture vawnghimna ding le inunauna tinzawnin buotsai an tum. Budget dingin Rs. 15-20 Lakhs an remti a. Pu Joseph R. Hmar Convenor chun ama mimal sum bul intanna dingin 1 Lakh a pek ding thu hi huna hin a puong. Hma hrattaka lak le hlawtling taka hmang a ni ngei theina dingin Local Committee, Finance Department, Information & Publicity Dept., Programme Making Committee, Construction Committee/Physical arrangement, Guest/Hospitality Management Committee, Transport Committee.

Hi huna hin item chi hran hran live band, malzai le hlapawl, cultural programme, traditional le inzawma inelna, Miss Sikpui Ruoi 2016 contest, hlasak le rimawi rem thiem Manipur le Mizoram haia a inthawk ngaithlak le thu le hla hlu tak tak ngaithlak ning a tih tiin Manipur State Level Sikpui Ruoi 2016 Organising Committee chun an hril.Organising Committee Office dingin Hmar Secretariat, HSA Campus, Rengkai, Tuithaphai, CCPur hmang dingin thutlukna an siem bawk. Hnam ni pui a ni ding leiin hi le in ruol a hi programme sukbuoi zawnga programme lo siem lo dingin kohran le khawtlang a pawl tum tum hai kuomah Organising Committee hin ngenna an siem nghal bawk.



Post a Comment

Powered by Blogger.