Responsive Ad Slot

HAA Gen. HQ Annual Conference -cum- Talent Show (Manipur) hlawtling taka nei

Saturday, October 22, 2016

/ Published by VIRTHLI
HAA Gen. HQ Annual Conference -cum- Talent Show (Manipur) hlawtling taka nei

CCPUR, October 22, 2016, Virthli (ONP): Vawisun dar 11:30 AM khan Hmar Artist Association (HAA) chun Gen. HQ Annual Conference -cum- Talent Show (Manipur) chu (L) Pi Lalhmasuon Joute Memorial Hall, JJ Plaza, Rengkai Road, CCPur hmun ah hlawtling takin an nei. Hi huna hin HAA Unit hran hran a member haiin an talent chi tum tum hai pholangna an nei a. Chuong laia chun hlasakthiem inlar tak tak malzai le eini laia la vang tak el Euclase (Nuhmei hlang hlawk Live Band) in mipui rimawi le hla'n an inawi a, kut themthiem ha'n an thiemna pholangin an talent chi tum tum an suklang a, lam thiem le rimawi remthiem ha'n an thiemna an suklang bawk. Hi huna fekhawm hai lawm a hlaw em em a, an mit le na a tlai hle. Hi hun hi Saikot bieltu MDC Pu Lalhrillien le CCPur laia veteran musician le unau hnam dang hla le rimawi ngainatu inzawmkhawm hotu hai khawmin an țawiawm bawk.


Hi huna hin Chief Guest in Pu Z. Solomon  Jt. Director, Tribal Research Institute, Manipur a È›hang a, Functional President in Pu Y. Shashi Kumar Singh Project Officer, DRDA, CCP & Promoter, HAA Gen. Hq. le Guest of Honour in Pi Mary Lalrengpui Promoter, HAA Gen. Hq hai an È›hang a. Chief Guest chun Tribal Research Institute (TRI) hmalakna hai hrilin Culture, Tradition, Kut themthiem (Artisan) hai pawimaw zie le suk hmasawnna dinga an È›hangpui thei thu, sawrkar khawmin anni hai sukhmasawnna dingin programme chi tum tum a buotsai hai a hril. HAA kuomah thilpek an hlan bawk.

Hi huna hin Chief Guest, Functional President le Guest of Honour hai hi Hmar Puon Muffler le HAA member hai kut suok ngei thilpek HAA in an inhlan tawl.

HAA chun hi hun țawiawmtu HAA members le mipui, Electronic & Printed Media Persons, PA System changkang tawk tak a thlawna inhmangtirtu Pu Lalnghaklien Hrangate chung ah lawmthu an hril bawk.


Don't Miss
© all rights reserved
made with by Simon L Infimate