CCPUR/IMPHAL, Oct. 2, 2016; Virthli (ONP): Oct. 1, 2016 khan Springfield School, Thangapat Mapal, Wangkhei, Imphal hmun ah 1-Day Knowledge and Experience Exchange in Teaching and Child Foundation, Springfield Infant School, Imphal le Arcadia School, Churachandpur joint program chu hlawtling tak le inhawi taka hmang zo a nih. Mi dang dang bakah Springfield le Arcadia Schools a inthawkin hotu 30 lai fe khawm a nih.

Hi huna hin Khuoltha Pi Selina Thounaojam le Pi Gabriella Golmei haiin thu tha tak an hrila. Pi Gabriella Golmei, Member, Manipur Commission for Protection of Child Rights chun India danpui naupang ta dinga induong bik hieng “Protection of Children from Sexual Offences Act (POCSO Act) 2012”, “Right to Education”, “Juvenile Justice Act” le a dang dang hai pawimaw zie le nu le pa, mipuiin hriet a tul zie hai a hril.

Pi Selina Thounaojam, SDO, Porompat khawmin naupang hai chan ding Sawrkar pa’n scheme le program dang dang a siem hai ngaiven thei a ni zie hai a hrila. Private schools hai ta dingin sum le pai seminar le program neu neu huoihawtna ding tamtak a um thu hrilin, ama ngei khawm iengtiklai khawma a thei dan dan a Springfield le Arcadia school hai thangpui an huom thu a hril.

Pu Santosh, Principal, Springfield School le Pi Debori, Headmistress, Arcadia School haiin naupang enkawlna kawng le subject inchuktir dan hai an experience hlu tak tak le tha tak tak hrilna an nei bawk.

Hohlimna thuoitu Dr. Asha Sougaijam, Dr. Thuanchuiliu Dangmei, Dr. Immanuel Zarzosang Varte, Mr. Seiminlun Chongloi haiin subject dang dang hieng Classroom Teaching Versus Tuition Culture, Teacher-Student Relationship hai hnesaw taka hrilin Arcadia School le Springfield School hotuhai an school naupang hai an inchuktir dan, an syllabus hai le naupang duot tak le hmangai taka thuoihruoi dan lampui hriltlang le inhrilhriettuona hun nei a nih.

A tawp tak ah Dr. Immanuel Zarzosang Varte in hohlimna le khaikhawmna neiin hun tawng khawplo taka khar a nih.

Post a Comment

Powered by Blogger.