CCPUR, September 6, 2016, Virthli (ONP):  Churachandpur District Sports Association(CDSA) hai huoihawtna hnuoiah Vawisun Dar 2:00 PM khan Peace Ground,Tuibuong ah (L) T. Lianboi Simte Memorial District Super Division League -2016 Openening Ceremony hlawtling takin hmang anih. Pu Lalvullien Joute, President, CDSA in lawmlutna thucha hrilna le Khuollien hai thilpek inhlanna hun a hmang a . Pu James Doujapao Haokip,MCS, Pu Letpu Haokip, President, COPTAM & Vice President KIC, Pu Paominlian Mate, Chief of Tuibuong hai chu Khuollien,Khuol Chawngpu ,Khuol Inzaum niin hi hunser hi an uop. Pu T. Pumkhokam Simte, Retd. (EE) , Respected Donor khawma uop vein thuhrilna hun a nei.
 (L) T. Lianboi Simte hrietzingna le inza inentirnain silent prayer hi huna hin  nei ani a. Khuollien Pu James Doujapao Haokip, MCS chun hi huna hin hriselna ta dinga sports pawimawzie ursun takin a hrila. Khawvelin  football an ngaisang zie le football pet thiem hai sum hlawrawn zie hrilin Players hai chu taimakna neia tumru tak le insumtheina neia an inthunun hne chun,footballer hlawtling tak an ni ve thei thu a hril.Thuhrilna hun a hmang zoin Kick-Off na hun a nei a .Opening Match tan nghal ania,Opening match a hin RACC chun an khingpui MSYC hai 2-1 in  an hne.

Hi League a hin Team 8  an thang ding anih:

1. Zomi Football Club (ZFC)
2. United Khozim Brothers
3. Lamka SC (LSC)
4. M. Songgel YC (MSYC)
5. SC Leatherite (SCL)
6. Ahshijolneng FC ( AFC)
7. Rengkai (RACC)
8. Rangers United SS (RUSS)

Post a Comment

Powered by Blogger.