Responsive Ad Slot

Jehovah-Jire Camp chu a sawng 10-na zovah la suk chawl hri phawt a nih

Wednesday, September 7, 2016

/ Published by VIRTHLI
Hmarkhawlien, September 7, 2016, Virthli (ONP) : Tarik 7/07/16 inthawka tan Jehovah-Jire Camp chu tarik 6/9/16 khan sawng sawm chena zovin karkhat sunga dingin chawl (break) lak ala nih.
Hi camp sawngkhatna kha naupang puola dinga buotsai a ni a; sawngsawmna-a zo hin la chawl hri dingin suktawp phawt a ni a, naupanghai ta ding bawka sawngsawnna khawm hi buotsai a nih. Sawngkhatna-a inthawka sawngsawmna chena hin campers 3824 (sangthum zariet sawmhni pali) an tling phâk a . Hienghai laia inthawk hin nuhmei 1744 an thang a, pasal 2080 an tling phâk ve. Camp sawngkhatna le sawngsawmnaa thang naupanghai number a hrana inchik a ni naw a, nuhmei le pasal thehrang el a nih.

Sawngkhatnaah pasalte 52 le nuhmeite 42 an lût a, sawngsawmna hin pasalte 488 le nuhmeite 342 an nih. Zani zân (Thawleni zan) khan camp tumtiekna inkhawm nei a nih a. Rev. Sakhuolien Songate’n Pathien thucha hrilna a nei a. Mipui 2000 bawr velin Speaker thuhril an ngaithlâk. Campers hai le mangtha hang inphurna zan an ta leiin inngai tak puma in mangtha a tul ta ding thu a hril a, sienkhawm , “ Mangtha aw in tina um ta nawna vanrama ei lan tuok khawm nawk ngei ding a nih,’’ tiin Speaker chun a hril.
Don't Miss
© all rights reserved
made with by Simon L Infimate